லங்காசிறி FM
பலாலி காணி மீட்புப் போராட்டத்தில் மயங்கி விழுந்த பெண் - 36 வருடங்களாக நீதிக் கோரும் யாழ். மக்கள்
இராணுவம் கையகப்படுத்திவைத்துள்ள தமது பூர்வீக காணிகளை விடுவிக்கக் கோரி பலாலி மக்கள் முன்னெடுத்து வரும் தொடர் நிலமீட்பு போராட்டம் இன்று(11.10.2026) 17 ஆவது வாரமாக தொடர்ந்து இடம்பெற்றுக் கொண்டிருக்கின்றது.
இதன்போது, பலாலி பகுதியில் இராணுவக் கட்டுப்பாட்டில் உள்ள தமது காணிகளை மீளவும் தங்களிடம் கையளிக்க வேண்டும் என போராட்டக்காரர்களால் வலியுறுத்தப்பட்டுள்ளனது.
அத்துடன், நீண்டகாலமாக தமது சொந்த நிலங்களிலிருந்து வெளியேற்றப்பட்டுள்ள நிலையில், வாழ்வாதாரத்தையும் பூர்வீக உரிமைகளையும் மீட்டெடுப்பதற்கான தீர்வு வழங்கப்பட வேண்டும் என போராட்டத்தில் ஈடுபட்டுள்ள மக்கள் கோரிக்கை விடுத்துள்ளனர்.
17ஆவது வாரமாக தொடரும் போராட்டம்
இந்த நிலையில் பலாலி பகுதியை சேர்ந்த மக்கள் பிரதி ஞாயிற்றுக்கிழமைகளில் தமது காணிகளை விடுவிக்குமாறு கோரி போராட்டத்தில் ஈடுபட்டு வரும் நிலையில், இன்றைய தினம்(11) 17ஆவது வாரமாக போராட்டத்தை முன்னெடுத்தனர்.
இதன்போது, எமது சொந்த இடங்களில் இருந்து இடம்பெயர்ந்து கடந்த 36 வருடங்களாக வேறு இடங்களில் வசித்து வருகிறோம். யுத்தம் முடிவடைந்து 17 ஆண்டுகள் ஆகியும் எம்மை எமது சொந்த இடங்களில் இன்னமும் மீள் குடியேற்றவில்லை.
எங்கள் இறப்பாவது எங்கள் சொந்த மண்ணில் நிகழ வேண்டும் என்பதே எமது இறுதி ஆசையாகவுள்ளது என அங்கிருந்த முதிவர் ஒருவர் தெரிவித்துள்ளார்.
இதேவேளை கடும் வெயிலின் மத்தியில் போராட்டத்தில் ஈடுபட்டமையால் , பெண்ணொருவர் மயங்கிய நிலையில், போராட்டத்தில் ஈடுபட்டிருந்த ஏனையோர் உரிய முதலுதவியை செய்து நிழலில் அவரை இருத்தியிருந்த நிலையிலும் , போராட்டத்திற்கு ஆதரவாக அந்த இடத்தில் போராட்டம் முடியும் இருந்தார் என்பதும் குறிப்பிடத்தக்கது.
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
