நாட்டில் நிலவும் சீரற்ற காலநிலை: நீர்நிலைகளின் நீர்மட்ட அளவில் அதிகரிப்பு

Sri Lanka Government Of Sri Lanka Weather

By Sajithra May 19, 2024 09:41 AM GMT

Sajithra

in இயற்கை

Report

நாட்டில் கடந்த 24 மணித்தியாலங்களில் பெய்த கடும் மழை காரணமாக பல நீர்நிலைகளின் நீர்மட்டம் உயர்வடைந்துள்ளதாக அனர்த்த முகாமைத்துவ திணைக்களம் தெரிவித்துள்ளது.

களனி கங்கையில் (Kelani Ganga) நிறுவப்பட்டுள்ள நீர்மானியின் அளவீட்டுக்கமைய, இன்று (19.05.2024) 91.1 மில்லிமீற்றர் மழைவீழ்ச்சி பதிவாகியுள்ளது.

இந்நிலையில், களனி கங்கைக்கு அருகிலுள்ள ஹங்வெல்ல நீர்மானியின்படி, 77.1 மில்லிமீற்றர் மழைவீழ்ச்சி பதிவாகியுள்ள அதேவேளை, கொழும்பில் (Colombo) நிறுவப்பட்டுள்ள நீர்மானியில் 58.7 மில்லிமீற்றர் மழைவீழ்ச்சி பதிவாகியுள்ளது.

அதிக மழைவீழ்ச்சி

அதேவேளை, களுகங்கைக்கு அருகில் அமைக்கப்பட்டுள்ள நீர்மானியில் 51.4 மில்லிமீற்றர் மழைவீழ்ச்சியும் கலவெல்லவ மில்லகந்தவில் 45.9 மில்லிமீற்றர் மழைவீழ்ச்சியும் பதிவாகியுள்ளதாக தெரிவிக்கப்பட்டுள்ளது.

kelani-river-water-level-increased-due-heavy-rain-

மேலும், கிங் (Gin) கங்கையை அண்மித்துள்ள பத்தேகமவில் 63.6 மில்லிமீற்றர் மழைவீழ்ச்சியும் தவலமவில் 21.1 மில்லிமீற்றர் மழைவீழ்ச்சியும் மாதுரு ஓயாவை அண்மித்த பதியத்தலையில் மழைவீழ்ச்சி 61.3 மில்லிமீற்றர் மழைவீழ்ச்சியும் கண்டறியப்பட்டுள்ளது.

அது மாத்திரமன்றி, மகாவலி (Mahaweli) ஆற்றின் கரையோரமாக உள்ள வேரகங்தோட்டையில் 55.7 மில்லிமீற்றர் மழைவீழ்ச்சியும் மா ஓயா, யக்கா ஏரியில் 54 மில்லிமீற்றர் மழைவீழ்ச்சியும் பதிவாகியுள்ளதாக தெரிவிக்கப்பட்டுள்ளது.