லங்காசிறி FM
கதிர்காம பாதயாத்திரைக்கான காட்டுவழிப்பாதை திறப்பு: பக்தர்களுக்கு விடுக்கப்பட்டுள்ள அறிவுறுத்தல்(Photos)
அம்பாறை மாவட்டத்தின் வரலாற்றுச் சிறப்புமிக்க உகந்தைமலை முருகன் ஆலய சிரமதானப்பணிகளை மாவட்டத்தில் உள்ள பல்வேறு திணைக்களங்களும் நிறுவனங்களும் முன்னெடுத்து வருகின்றன.
கதிர்காம பாதயாத்திரைக்கான காட்டுவழிப்பாதை இன்று (12.06.2023) திறக்கப்படவுள்ள நிலையில் யாத்திரிகர்களின் நன்மை கருதியும் ஆலய மகோற்சவம் நடைபெறவுள்ளதை முன்னிட்டும் இந்த சிரமதானம் முன்னெடுக்கப்பட்டு வருகிறது.
இதேவேளை பாதையாத்திரைக்கான காட்டுவழிப்பாதை இன்று (12.06.2023)திறக்கப்பட்டு (25.06.2023) ஆம் திகதி மூடப்படுகின்றது.
ஆலையடிவேம்பு, திருக்கோவில், காரைதீவு, கல்முனை, நாவிதன்வெளி, களுவாஞ்சிக்குடி போன்ற பிரதேச செயலகங்களும் இப்பணியில் தொடர்ந்தும் இணைந்து செயற்பட்டு வருகின்றன.
இதற்கமைவாக ஆலையடிவேம்பு பிரதேச செயலாளர் வி.பபாகரன் தலைமையில் இடம்பெற்ற இப்பணியில் ஆலையடிவேம்பு பிரதேச செயலகத்தின் உத்தியோகத்தர்கள் கலந்து கொண்டனர்.
பக்தர்களின் நன்மை
யாத்திரிகர்கள் தங்குவதற்கு வசதியான முறையில் ஆலய வளாகத்தில் இருந்த பற்றைகள், குப்பைகள் அகற்றப்பட்டதுடன் நீராடும் கிணற்றை அண்டிய பகுதிகளும் தூய்மைப்படுத்தப்பட்டுள்ளன.
கதிர்காம கந்தனை தரிசிக்கும் அடியவர்கள் பாதயாத்திரையாக நாட்டின் பல பாகங்களிலுமிருந்து உகந்தை மலை முருகன் ஆலயத்தை சென்றடைந்து கொண்டிருக்கும் இந்நாட்களில் நடைபெற்ற இச்சிரமதானப்பணியினால் பக்தர்கள் நன்மையடைந்துள்ளனர்.
இவ்வருடம் சுமார் 45000 ஆயிரம் பக்தர்கள் பாதயாத்திரையில் கலந்து கொள்வார்கள் என எதிர்பார்ப்பதாகவும் எதிர்வு கூறப்பட்டுள்ளது.
பொலித்தீன் பாவனைக்கு தடை
பொலித்தீன் பாவனை மற்றும் சிறிய தண்ணீர்போத்தல்களை கொண்டு செல்வதை தடை செய்துள்ளதாகவும் சிறுவர் தொடக்கம் முதியவர்கள் வரை ஆண்கள் பெண்கள் என அனைவரும் கலாசார ஆடையுடன் மாத்திரம் யாத்திரையில் கலந்து கொள்ள வேண்டும் அறிவுறுத்தல் வழங்கப்பட்டுள்ளது.
அதுபோல் பாதையாத்திரிகர்களுக்கான பாதுகாப்பு சுகாதார சேவைகள் குடிநீர் வசதி
போன்றவை தொடர்பிலும் கவனம் செலுத்தப்பட்டுள்ளது.
குடிநீரை வழங்க லாகுகல பிரதேச செயலகத்தின் வழிகாட்டலில் சிவதொண்டர் அமைப்பு
மற்றும் தம்பிலுவில்; சைவநெறி கூடம் மற்றும் சேவற்கொடியோன் உள்ளிட்ட
அமைப்புக்களும்; பொறுப்பேற்றுள்ளமை குறிப்பிடத்தக்கது.
கிளீன் சிறீலங்கா : வலி நிவாரணி அரசியல் 2 நாட்கள் முன்
முத்துக்குமரனை தொடர்ந்து இரண்டு பணப்பெட்டியை தூக்கிய போட்டியாளர்கள்.. யார்யார் தெரியுமா, இதோ Cineulagam
ஒரே நாளில் ரூ 46,485 கோடியை இழந்த தமிழர்... அவரது தற்போதைய சொத்து மதிப்பு ரூ 340,793 கோடி News Lankasri
ஐரோப்பிய நாடுகளுக்கு எதிராக ரஷ்யாவின் அடுத்த திட்டம் இதுதான்: எச்சரிக்கும் முன்னணி நிபுணர் News Lankasri
போதையில் மணமேடைக்கு வந்த மணமகன்..கையெடுத்து கும்பிட்டு திருமணத்தை நிறுத்திய பெண்ணின் தாய் (வீடியோ) News Lankasri
கொழும்பு, மானிப்பாய், Dubai, United Arab Emirates, கனடா, Canada
14 Jan, 2021
