லங்காசிறி FM
யாழ். ஆழியவளையில் தொழில் புரியும் கரைவலை சம்மாட்டிக்கு பிறப்பிக்கப்பட்ட உத்தரவு
யாழ். வடமராட்சி கிழக்கு ஆழியவளை கடற்கரையில் நேற்று (04) காலை கடற்றொழிலாளர்களிடையே முறுகல் நிலை ஏற்பட்டதை தொடர்ந்து நடவடிக்கை மேற்கொள்ளப்பட்டுள்ளது.
வடமராட்சி கிழக்கு ஆழியவளை கடற்றொழிலாளர் சங்க எல்லைக்குட்பட்ட கடற்பகுதிகளில் மனித வலுவற்று உழவு இயந்திரம் பாவித்து கரைவலை தொழில் செய்வதற்கு சங்கத்தால் தடை செய்யப்பட்டுள்ளது.
இதனை மீறி நபர் ஒருவர் அப்பகுதியில் உழவு இயந்திரம் கொண்டு தொழில் புரிந்து வருகின்றார். உடனடியாக இதை தடுத்து நிறுத்தி குறித்த கரைவலை வாடியை அகற்றுமாறு நீரியல்வளத் திணைக்கள அதிகாரிகள், மருதங்கேணி பொலிஸ் நிலையம், கடற்தொழிலாளர் கூட்டுறவு சங்கங்களின் சமாசம் போன்றவற்றிற்கு அறிவுறுத்தியும் எந்தவித நடவடிக்கையும் எடுக்கப்படவில்லை.
ஏற்பட்ட முறுகல்நிலை
இதனால், நேற்று (4) காலை குறித்த சம்மாட்டி ஆழியவளை கடற்தொழிலாளர் சங்க எல்லைக்குட்பட்ட பகுதியில் உழவு இயந்திரம் கொண்டு தொழில் புரிந்த போது அங்கு கடற்றொழிலாளர்கள் இடையே முறுகல் நிலை ஏற்பட்டுள்ளது.
இந்நிலையில், அதிகாரிகள் உடன் நடவடிக்கை மேற்கொள்ள தவறும் பட்சத்தில் முறுகல் நிலை வன்முறையாக மாறக்கூடிய வாய்ப்பு காணப்படுவதாக அப்பகுதி கடற்றொழிலாளர்கள் அச்சம் தெரிவித்ததை தொடர்ந்து நீரியல்வளத் திணைக்கள அதிகாரிகள் மற்றும் பொலிஸார் இணைந்து குறித்த சம்மாட்டிக்கு இறுதி அறிவித்தல் விடுக்கப்பட்டுள்ளது.
ஆழியவளை பகுதியில் உழவு இயந்திரம் கொண்டு கரைவலை தொழில் புரிவது தடையென்றும் மனிதவலுவை பயன்படுத்தி கரைவலை தொழில் செய்வதற்கு அனுமதி உண்டெனவும், சட்டத்திற்கு முரணாக உழவு இயந்திரம் கொண்டு கரைவலை தொழிலை தொடர்ந்து மேற்கொண்டால் கைது செய்யப்பட்டு நீதிமன்றில் முற்படுத்தப்படுவீர்கள் என பொலிஸாரால் எச்சரிக்கப்பட்டனர்.
இதனை தொடர்ந்து குறித்த பகுதிக்குள் இனி உழவு இயந்திரம் கொண்டு கரைவலை தொழில் செய்ய மாட்டோமென கரைவலை சம்மாட்டியால் பொலிஸாருக்கு எழுத்துமூலம் தெரியப்படுத்தப்பட்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
அல்லைப்பிட்டி, பிரான்ஸ், France
12 Nov, 2011
நயினாதீவு 2ம் வட்டாரம், Jaffna, யாழ்ப்பாணம், Pinner, United Kingdom
03 Nov, 2025
