லங்காசிறி FM
ஈரானியத் துறைமுகங்கள் மீதான அமெரிக்காவின் கடல்வழி முற்றுகைக்கு இஸ்ரேல் முழு ஆதரவு
ஈரானியத் துறைமுகங்கள் மீது அமெரிக்கா விதித்துள்ள கடல்வழி முற்றுகைக்கு இஸ்ரேல் தனது முழுமையான ஆதரவைத் தெரிவிப்பதாக அந்நாட்டுப் பிரதமர் பெஞ்சமின் நெதன்யாகு அறிவித்துள்ளார்.
இது தொடர்பாகத் தனது அமைச்சரவைக் கூட்டத்தில் உரையாற்றிய அவர், "ஈரான் மீது கடல்வழி முற்றுகையை அமுல்படுத்த ஜனாதிபதி டொனால்ட் ட்ரம்ப் எடுத்துள்ள உறுதியான முடிவை நாங்கள் முழுமனதாக வரவேற்கிறோம்" என்று குறிப்பிட்டார்.
அமெரிக்காவுக்கும் இஸ்ரேலுக்கும் இடையே கருத்து வேறுபாடுகள் நிலவுவதாகக் கூறப்படும் செய்திகளில் உண்மையில்லை என்றும், இரு நாடுகளும் இந்த விவகாரத்தில் மிகவும் இணக்கமாகச் செயல்படுவதாகவும் அவர் வலியுறுத்தினார்.
பேச்சுவார்த்தை
அமெரிக்கா மற்றும் ஈரான் இடையே பாகிஸ்தானில் நடைபெற்ற பேச்சுவார்த்தைகளுக்குப் பிறகு, ஞாயிற்றுக்கிழமை தான் அமெரிக்கத் துணை ஜனாதிபதி ஜே.டி. வான்ஸுடன் (JD Vance) தொலைபேசி வாயிலாகப் பேசியதாக நெதன்யாகு தெரிவித்தார்.
பாகிஸ்தானிலிருந்து தனது விமானத்தில் திரும்பிக் கொண்டிருந்தபோது ஜே.டி. வான்ஸ் தன்னைத் தொடர்புகொண்டு பேச்சுவார்த்தையின் முன்னேற்றங்கள் குறித்து விரிவாக விளக்கினார்.
ஈரானிடம் உள்ள அனைத்து செறிவூட்டப்பட்ட அணுசக்திப் பொருட்களையும் அகற்றுவதுடன், இனி அணு ஆயுதச் செறிவூட்டலைத் தடுப்பதே அமெரிக்காவின் முதன்மையான நோக்கம் என்று அவர் குறிப்பிட்டதாகவும் நெதன்யாகு தனது உரையில் சுட்டிக்காட்டினார்.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
