ஈரானுக்கு உளவுத் தகவல் வழங்கியதாக இஸ்ரேல் விமானப்படை வீரர்கள் கைது

Israel Iran

By Kamal Apr 23, 2026 05:39 PM GMT

Kamal

in உலகம்

Report

இஸ்ரேல் விமானப்படையைச் சேர்ந்த இரண்டு தொழில்நுட்பப் பணியாளர்கள், ஈரானிய உளவு அமைப்பிற்காகச் செயல்பட்டதாகக் குற்றம் சுமத்தப்பட்டு அவர்கள் மீது வழக்குப்பதிவு செய்யப்பட்டுள்ளது.

இந்தத் தகவலை இஸ்ரேலிய நாளிதழான 'ஹாரெட்ஸ்' வெளியிட்டுள்ளது.

இஸ்ரேலிய ராணுவம், உள்நாட்டு உளவு அமைப்பான 'ஷின் பெட்' மற்றும் காவல்துறை ஆகியவை இணைந்து நடத்திய விசாரணையில், இந்த வீரர்கள் இருவரும் "எதிரிக்கு உதவியது" மற்றும் "மிக ரகசியமான தகவல்களைக் கசியவிட்டது" உள்ளிட்ட கடுமையான பாதுகாப்பு விதிமீறல்களில் ஈடுபட்டது கண்டறியப்பட்டதாக தெரிவிக்கப்படுகின்றது.

ஈரானுக்கு உளவுத் தகவல் வழங்கியதாக இஸ்ரேல் விமானப்படை வீரர்கள் கைது | Israel Charges Two Air Force Men For Spying

ஒரு வீரர் வெளிநாட்டு முகவர்களுடன் நேரடியாகத் தொடர்பில் இருந்ததாகக் குற்றம் சுமத்தப்பட்டுள்ளார்.

மற்றொரு வீரர், அந்தத் தொடர்பை ஏற்படுத்திக் கொடுக்க உதவியதாகக் குற்றம் சுமத்தப்பட்டுள்ளார்.

விசாரணையின் போது, ஆயுதங்கள் தொடர்பான சில பணிகளைச் செய்ய மறுத்ததால் ஆரம்பத்தில் ஈரானிய நபர்களுடனான தொடர்பை தாங்கள் துண்டித்துவிட்டதாக அந்த வீரர்கள் தெரிவித்துள்ளனர்.

ஆனால், ஈரானியத் தரப்பில் இருந்து தொடர்பு துண்டிக்கப்பட்ட பிறகு, இந்த வீரர்களே மீண்டும் அவர்களுடன் தொடர்பு கொள்ள முயன்றதாக அதிகாரிகள் குற்றம் சாட்டுகின்றனர்.

கைது செய்யப்பட்ட வீரர்களில் ஒருவர், போர் விமான அமைப்புகள் தொடர்பான ராணுவப் பயிற்சிப் பொருட்கள் மற்றும் ராணுவத் தளத்தின் முக்கியப் பகுதிகள் மற்றும் அங்குள்ள கட்டமைப்புகளைப் படம்பிடித்து ஈரானிய முகவருக்கு அனுப்பியுள்ளார் என இஸ்ரேல் பாதுகாப்பு அமைச்சு தெரிவித்துள்ளது.

இந்தச் சம்பவம் இஸ்ரேலிய ராணுவ வட்டாரத்தில் பெரும் அதிர்ச்சியை ஏற்படுத்தியுள்ளது. கைதான இருவர் மீதும் தற்போது நீதிமன்றத்தில் வழக்கு விசாரணை நடைபெற்று வருகிறது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை