லங்காசிறி FM
ஈரான் போர் விவகாரம் : கசிந்தது இரகசிய மின்னஞ்சல்
அமெரிக்கா - ஈரான் போருக்குப் போதுமான ஆதரவை வழங்காத நேட்டோ (NATO) உறுப்பு நாடுகளுக்கு எதிராக, டொனால்ட் ட்ரம்ப் தலைமையிலான அமெரிக்க நிர்வாகம் கடும் நடவடிக்கைகளை எடுக்கத் திட்டமிட்டுள்ளதாகப் பாதுகாப்புத் திணைக்களத்தின் கசிந்த மின்னஞ்சல் ஒன்று பெரும் பரபரப்பை ஏற்படுத்தியுள்ளது.
குறிப்பாக, ஸ்பெயின் நாட்டை நேட்டோ கூட்டமைப்பில் இருந்து தற்காலிகமாக நீக்குவது மற்றும் பிரித்தானியாவின் கட்டுப்பாட்டில் உள்ள ஃபோக்லாந்து தீவுகள் (Falkland Islands) மீதான ஆர்ஜென்டினாவின் உரிமைக் கோரலுக்கு ஆதரவாக வொஷிங்டனின் நிலைப்பாட்டை மறுபரிசீலனை செய்வது போன்ற ஆலோசனைகள் அந்த உள்நாட்டு மின்னஞ்சலில் இடம் பெற்றுள்ளதாக ரொய்ட்டர்ஸ் செய்தி நிறுவனம் தெரிவித்துள்ளது.
ஹோர்முஸ் நீரிணையை திறக்க
ஐரோப்பிய நாடுகளுக்கு இடையே ஒருவித 'உரிமை மனப்பான்மை' நிலவுவதாகக் குற்றம் சாட்டும் இந்த மின்னஞ்சல், அமெரிக்காவின் தாக்குதல்களுக்குத் தங்கள் வான்வெளி மற்றும் தளங்களைப் பயன்படுத்த அனுமதி மறுக்கும் நாடுகளுக்கு ஒரு எச்சரிக்கையாகப் பார்க்கப்படுகிறது.
இந்தச் செய்தி குறித்து சைப்ரஸில் நடைபெற்ற ஐரோப்பிய ஒன்றியத் தலைவர்களின் கூட்டத்தில் பேசிய ஸ்பெயின் பிரதமர் பெட்ரோ சான்செஸ், ஸ்பெயின் நேட்டோவின் நம்பகமான உறுப்பினர் என்றும், சர்வதேச சட்டங்களுக்கு உட்பட்டே தங்களது செயல்பாடுகள் இருக்கும் என்றும் திட்டவட்டமாகத் தெரிவித்தார்.
இதேபோல், பிரித்தானிய பிரதமர் கீர் ஸ்டார்மரின் பேச்சாளர் கூறுகையில், ஃபோக்லாந்து தீவுகளின் இறையாண்மை பிரித்தானியாவிடமே உள்ளது என்பதில் மாற்றம் இல்லை என்றும், அமெரிக்காவின் அழுத்தங்களுக்குத் தங்கள் நாடு பணியாது என்றும் பதிலடி கொடுத்தார்.
ஹோர்முஸ் நீரிணையை திறக்க நேட்டோ நாடுகள் தங்களது கடற்படைகளை அனுப்ப வேண்டும் என்று ட்ரம்ப் வலியுறுத்தி வரும் நிலையில், அமெரிக்க பாதுகாப்புச் செயலாளர் பீட் ஹெக்செத், "இலவசமாகப் பயணம் செய்யும் காலம் முடிந்துவிட்டது" என்று ஐரோப்பிய நாடுகளைக் கடுமையாக விமர்சித்துள்ளார்.
அமெரிக்கா நேட்டோவிலிருந்து வெளியேறுவது
அமெரிக்காவின் இந்த அதிரடிப் போக்கு நேட்டோ கூட்டமைப்பிற்குள் பெரும் விரிசலை ஏற்படுத்தியுள்ளது.
ஸ்பெயின் தனது தளங்களை ஈரான் மீதான தாக்குதலுக்குப் பயன்படுத்த அனுமதி மறுத்ததால், அந்த நாட்டை ட்ரம்ப் கடுமையாகச் சாடியுள்ளார்.
அதேபோல், பிரித்தானியாவின் விமானம் தாங்கி கப்பல்களை 'பொம்மைகள்' என்று கிண்டல் செய்துள்ள அவர், நேட்டோ ஒரு 'காகிதப் புலி' என்றும் விமர்சித்துள்ளார்.
இருப்பினும், அமெரிக்கா நேட்டோவிலிருந்து வெளியேறுவது குறித்து இந்த மின்னஞ்சலில் குறிப்பிடப்படவில்லை என்று அதிகாரிகள் தெரிவித்துள்ளனர்.
இரவு முழுவதும் விடிய விடிய கதறி அழுதுள்ள எதிர்நீச்சல் சீரியல் புகழ் ஹரிப்பிரியா... அப்படி என்ன நடந்தது? Cineulagam
ஜனனியை முடித்துவிட பிளான் போட்ட குணசேகரன், ஆனால்?... எதிர்நீச்சல் தொடர்கிறது சீரியல் புரொமோ Cineulagam
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
செம்பியன்பற்று, கொழும்பு, திருச்சி, India, London, United Kingdom
24 Mar, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024