லங்காசிறி FM
வங்கிக்கணக்குகளை பயன்படுத்துவோர் கவனமாக இருக்குமாறு அவசர அறிவுறுத்தல்..! விடுக்கப்பட்டுள்ள எச்சரிக்கை
இணையவழி மோசடி மூலம் பிறர் பெயர்களில் திறக்கப்பட்ட வங்கிக் கணக்குகளிலிருந்து ஆயிரக்கணக்கான மோசடிகள் நடந்துள்ளதாக விசாரணைகளில் தெரியவந்துள்ளன.
ஆயிரம் முதல் இலட்சக்கணக்கான ரூபாய் வரை தங்கள் வங்கிக்கணக்குகளிலிருந்து மோசடி செய்யப்பட்டுள்ளதாக ஆயிரத்திற்கும் மேற்பட்ட முறைப்பாடுகள் கிடைத்துள்ளதாக குற்றப்புலனாய்வுத்துறை தெரிவித்துள்ளது.
இணையத்தில் அடையாளம் காணப்பட்ட நபர்கள்
குற்றப்புலனாய்வுத்துறையின் கணினி குற்றப்புலனாய்வுப் பிரிவு நடத்திய விசாரணைகளின்படி, மோசடி செய்த வங்கிக் கணக்கின் உரிமையாளரை வரவழைத்து விசாரித்தபோது, இணையத்தில் அடையாளம் காணப்பட்ட நபர்களின் பெயரில் பணம் பெறுவதற்காக கணக்குகள் திறக்கப்பட்டு, பின்னர் மற்ற தரப்பினருக்கு மாற்றப்பட்டு, வேறு சில வழிகளில் கைமாற்றப்பட்டமை தெரியவந்துள்ளது.
அந்த கணக்குகளை பயன்படுத்தி ஒழுங்கமைக்கப்பட்ட தரப்பினர் இணையவழி மோசடிகளைச் செய்து வருவதாகவும், இவ்வாறு பெறப்பட்ட பணம் பல கணக்குகளுக்கு இடையில் மாற்றப்பட்டு, இறுதியாக கிரிப்டோகரன்சி போன்ற வெளிநாட்டுக் கணக்குகளில் வரவு வைக்கப்படுவதாகவும் விசாரணைகள் உறுதிப்படுத்தியுள்ளன.
இந்த மோசடிகளில் ஈடுபடும் குழுக்கள் படித்தவர்கள் என்றும், குறிப்பாகப் பல்கலைக்கழக மாணவர்கள், கணினி, தகவல் தொழில்நுட்பம் மற்றும் கணிதம் ஆகியவற்றில் விரிவான அறிவு கொண்டவர்கள் என்பதும் தெரியவந்துள்ளது.
இருப்பினும், வெளிநாட்டு வங்கிக்கணக்குகளிலிருந்து பணம் மோசடி செய்யப்படுவதாலும், அதுபோன்ற பல கணக்குகளுக்கு இடையில் மோசடியாகப் பரிமாற்றம் செய்யப்படுவதாலும், முறைப்பாட்டாளர்களின் பணத்தை மீட்பது சிக்கலானது என்று விசாரணை அதிகாரிகள் கூறுகின்றனர்.
மக்களுக்கு முக்கிய அறிவுறுத்தல்
இந்த காரணத்திற்காக, தங்கள் வங்கிக்கணக்குகளுடன் இணைக்கப்பட்ட கைபேசிகளில் பெறப்பட்ட ஒருமுறை கடவுச்சொற்களை (OTP) எந்தவொரு தரப்பினருக்கும் வழங்க வேண்டாம் என்று குற்றப் புலனாய்வுத் துறை பொதுமக்களைக் கேட்டுக்கொள்கின்றது.
மேலும், தாங்கள் பயன்படுத்தாத வங்கிக்கணக்குகள் குறித்து கவனமாக இருக்குமாறும், தங்களுக்குச் சொந்தமான எந்தவொரு கணக்கையும் பணத்திற்காக வேறு தரப்பினருக்கு எந்த வகையிலும் விற்கவோ, மாற்றவோ அல்லது அந்நியப்படுத்தவோ வேண்டாம் என்றும் விசாரணை அதிகாரிகள் மக்களுக்கு அறிவுறுத்துகின்றனர்.
ஏனெனில், தெரிந்தே செய்தாலும் சரி, தெரியாமல் செய்தாலும் சரி, அது தண்டனைக்குரிய குற்றமாகும் என எச்சரிக்கப்பட்டுள்ளது.
புதன் - சுக்கிரன் உருவாக்கும் லட்சுமி நாராயண ராஜயோகம் : இந்த 3 ராசிகளுக்கு டபுள் ஜாப்பாட் உறுதி! Manithan
ஈரான் ஒப்பந்தத்துக்குப் பிறகு ஹார்முஸை கடந்த முதல் 3 எண்ணெய் கப்பல்கள்., மத்திய கிழக்கில் தொடரும் பதற்றம் News Lankasri
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
