கோவிட் அச்சுறுத்தல்! - இலங்கைக்கு நேசக்கரம் நீட்டும் சர்வதேச நாடுகள்
இலங்கையில் வடகிழக்கில் அதிகரித்து செல்லும் கோவிட் நிலைமைகளை கருத்திற்கொண்டு உலகளவில் பரந்திருக்கும் தமிழ் வைத்தியர்களும், பிற மருத்துவ உதவி நிறுவனங்களும் ஒன்றினைந்து செயற்படுகின்றன.
வடக்கு, கிழக்கு ஆதார வைத்தியசாலை,மாவட்ட வைத்தியசாலை,போதனா வைத்தியசாலை என்பன மாவட்ட சுகாதார பிரிவின் தலைமை வைத்திய அதிகாரிகளுடன் நேரடியாக தொடர்பு கொண்டு இந்த உதவிகள் ஒருங்கிணைக்கப்பட்டிருக்கின்றன.
தற்காலிக மையத் தொடர்பாடல் ஊடாக மேற்படி அதிகாரிகளுடன் கனடா,இங்கிலாந்து,அவுஸ்திரேலியா,அமெரிக்கா,நியுசிலாந்து,நாட்டின் JMFOA (JAFFNA MEDICAL FACULTY OVERSEAS ALUMNI), MIOT, IMHO, AUSTRALIYA MEDICAL AID FOUNDATION , FRIENDS OF BATTICALOA HOSPITAL UK, KILLI PEOPLE CHARITY UK என பல அமைப்புக்கள் ஒன்றினைந்து செயற்படுவது மக்களால் பாராட்டப்படுகின்றது.
மேலும்,19.2 மில்லியன் இலங்கை ரூபாவை கனடா அரசு இலங்கை சுகாதார அமைச்சின் குடும்ப சுகாதார பணியகத்தின் தாய், புதிய பிறந்த குழந்தைகளின் அத்தியாவசிய மருத்துவ உபகரணங்களின் கொள்வனவிற்கு வழங்கியுள்ளது.
இதேவேளை, கனடா அரசாங்கம் ஒரு மில்லியன் அமெரிக்க டொலர்களை இலங்கை யுனிசெப் ஊடாக அவசர சுவாசம் தொடர்பான கருவிகளின் கொள்வனவுக்கு அன்பளிப்புச் செய்திருப்பது குறிப்பிடத்தக்கது. வடக்கு, கிழக்கில் கோவிட் பாதிப்பு காரணமாக வைத்தியசாலைகளுக்கு பல உதவிகளை செய்ய வேண்டிய தேவை ஏற்பட்டுள்ளது.
குறித்த உதவிகளை சரியான முறையில் செயற்படுத்துவதற்கு துறை சார்ந்த புலம்பெயர் அமைப்புகள் அல்லது வைத்திய அமைப்புக்கள் ஊடாக அந்த உதவிகளை மேற்கொள்ளும் போது சிறிய பெறுமதியில் பல பொருட்களை கொள்வனவு செய்ய முடியும்.
தற்போதைய சூழ்நிலை மற்றும் விலை வாசிகளின் அதிகரிப்பால் சில நெருக்கடிகளை எதிர்நோக்கலாம், இவ்வாறான சூழ்நிலைகளை தவிர்ப்பதற்கு அவ்வாறான வழி வகைகளை கையாளலாம்.
அதனோடு புலம்பெயர் தேசங்களான பிரித்தானியா, ஜேர்மனி, சுவிட்சர்லாந்து, கனடா, அவுஸ்திரேலியா போன்ற நாடுகள் ஊடாக கணிசமான உதவிகள் இலங்கைக்கு வழங்கப்பட்டுள்ளன.
இந்நிலையில் இவ்வாறான உதவிகள் சரியான முறையில் வடக்கு, கிழக்கு மக்களுக்கு போய் செல்கின்றதா என்பது தொடர்பில் புலம்பெயர் அமைப்புகள் அல்லது வைத்திய அமைப்புக்கள் ஊடாக மக்களுடன் தொடர்புகளை பேணி அவதானிப்பதன் மூலம் மக்களுக்கான உதவிகள் சரியான முறையில் கொண்டு செல்வதற்கான வாய்ப்பாக அமைந்துள்ளது.