எதற்கும் தயாராக இருங்கள்...! பணவீக்கம் தொடர்பில் IMF எச்சரிக்கை
மத்திய கிழக்கில் நிலவி வரும் போர் காரணமாக உலகளாவிய ரீதியில் பணவீக்கம் அதிகரிக்கும் என சர்வதேச நாணய நிதியம் தெரிவித்துள்ளது.
எண்ணெய் விலைகள் ஆசிய வர்த்தகத்தில் 30% க்கும் அதிகமாக உயர்ந்து 2022 க்குப் பிறகு மிக உயர்ந்த மட்டத்தை எட்டியுள்ள நிலையில், சர்வதேச நாணய நிதியத்தின் நிர்வாகப் பணிப்பாளர் கிறிஸ்டலினா ஜோர்ஜிவா இவ்வாறு எச்சரித்துள்ளார்.
ஜப்பானின் நிதி அமைச்சகம் இன்று ( 9) நடத்திய ஒரு கருத்தரங்கில் இதனை குறிப்பிட்டுள்ளார்.
மத்திய கிழக்கு மோதல்
ஈரானுடனான அமெரிக்க-இஸ்ரேல் மோதல் தொடர்ந்து பத்தாவது நாளில் நுழைந்ததால், கச்சா எண்ணெய் விலை 30% க்கும் மேலாக உயர்ந்து ஒரு பீப்பாய்க்கு $119.50 ஆக உயர்ந்த நிலையில் எச்சரிக்கை விடுக்கப்பட்டுள்ளது.
மத்திய கிழக்கு மோதலால் ஏற்பட்டுள்ள 10 சதவீத எண்ணெய் விலை அதிகரிப்பைத் தொடர்ந்து 40 புள்ளி உலகளாவிய பணவீக்க அதிகரிப்புக்கு வழிவகுக்கும் என்று தெரிவித்துள்ளார்.

மேலும், எண்ணெய் விலைகளில் 10% அதிகரிப்பு, ஆண்டின் முழுவதும் நீடித்தால், உலகளாவிய பணவீக்கத்தின் பாரிய அதிகரிப்புக்கு வழிவகுக்கும் என்று கூறியுள்ளார்.
எனவே "இந்த புதிய உலகளாவிய சூழலில் கொள்கை வகுப்பாளர்களுக்கு எனது அறிவுரை என்னவென்றால், நினைத்துப் பார்க்க முடியாததைப் பற்றி சிந்தித்து எதற்கும் தயாராக இருக்குமாறு" அறிவுறுத்தியுள்ளார்.
ஈரானின் வான்வழி தாக்குதல்களால் மீண்டும் உச்சக்கட்ட பதற்றம்! நடுவானில் சுட்டு வீழ்த்தப்படும் ட்ரோன்கள்