லங்காசிறி FM
வடபகுதி கடற்றொழிலாளர்களின் போராட்டத்திற்கு பெருகும் ஆதரவு
அத்துமீறி பிரவேசிக்கும் தமிழக ரோலர் படகுகளுக்கு எதிரான வடபகுதி கடற்றொழிலாளர்களின் போராட்டத்திற்கு ஈரோஸ் ஜனநாயக முன்னணி ஆதரவு தெரிவிப்பதாக அந்த கட்சியின் பொதுச்செயலாளர் இரா.ஜீவன் இராஜேந்திரன் குறிப்பிட்டுள்ளார்.
வடபகுதி கடற்றொழிலாளர்களின் போராட்டத்திற்கு ஆதரவு தெரிவித்து, அவர் வெளியிட்டுள்ள ஊடக அறிக்கையில் இதனை குறிப்பிட்டுள்ளார்.
அந்த ஊடக அறிக்கையில் மேலும் குறிப்பிடுகையில், தமிழக கடற்றொழிலாளர்கள் சட்டவிரோத கடற்றொழிலில் ஈடுபடுவது, தமிழர்களின் வாழ்வாதாரத்தை மட்டுமல்ல இலங்கையின் பொருளாதாரத்தையும் பாதிக்கும் விடயம் என்பதை இலங்கை அரசாங்கம் புரிந்து கொள்ள வேண்டும்.
மனிதாபிமானமற்ற செயற்பாடு
ஆகவே, எமது நாட்டின் கடல் வளத்தை இன்னொரு நாடு அடாத்தாக அபகரித்து செல்வதை தடுத்து நிறுத்துவதற்கு இலங்கை அரசாங்கம் இந்திய அரசாங்கத்தோடு கலந்துரையாடி பொருத்தமான நடவடிக்கை எடுக்க வேண்டும் என வலியுறுத்துகிறோம்.
எமது நாட்டின் கடல் எல்லைக்குள் அத்துமீறி பிரவேசிக்கும் தமிழக ரோலர் படகுகளுக்கு எதிரான வடபகுதி கடற்றொழிலாளர்களின் போராட்டத்திற்கு முழுமையான ஆதரவையும் நாம் வழங்குவோம்.
நாட்டில் ஏற்பட்டுள்ள பொருளாதார நெருக்கடியாலும் காலநிலை மாற்றத்தாலும் கடற்றொழிலாளர்கள் மிக மோசமான நெருக்கடிகளுடன் வாழ்ந்து கொண்டிருக்கின்றனர்.
இந்நிலையில், அவர்களுடைய வாழ்வாதாரத்திற்கு பாதிப்பேற்படுத்தும் வகையில் தமிழக கடற்றொழிலாளர்கள் இலங்கையின் கடல் எல்லைக்குள் அனுமதியின்றி உட்புகுந்து மீன் குஞ்சுகளைக் கூட விட்டு வைக்காது அனைத்தையும் அள்ளிச்செல்வது மனிதாபிமானமற்ற செயற்பாடாகும்.
மேலும், இலங்கையின் கடற்படையினர் கடல் எல்லை பாதுகாப்பு ரோந்துப்பணிகளில்
ஈடுபட்டிருக்கும் போது அவர்கள் ஆயிரம் இரண்டாயிரம் படகுகளில் உள்நுழைந்து நமது கடல் வளத்தை சுரண்டிச் செல்வது ஆச்சரியமாகவும் இருப்பதோடு இது இலங்கையின்
ஆசிர்வாதத்தோடு நடக்கின்றதா என்ற நியாயமான சந்தேகமும் வலுக்கின்றது.
கட்சியின் ஆதரவு
இன்னொரு பக்கம் வடபகுதி தமிழ் கடற்றொழிலாளர்களுக்கும் தென்னிந்திய தமிழ் கடற்றொழிலாளர்களுக்கும் இடையில் பகைமை ஏற்படுத்துவதற்கான சூழ்ச்சியாகவும் இதற்கு பின்னால் இலங்கை அரசாங்கத்தின் ஆதரவு இருக்குமோ என்ற சந்தேகம் எழாமல் இல்லை.
மேலும், இலங்கை கடற்படையினர் சர்வதேச கடல் ரோந்துப்பணிகளில் சிறப்பாக பணியாற்றியுள்ளனர் என்று பாராட்டப்படுகின்ற நிலையில் அதே கரிசனையையும் திறமையையும் வடக்கு கடற்பகுதியில் இடம்பெறும் சட்டவிரோத அத்துமீறல்களை தடுப்பதிலும் கவனம் செலுத்தவேண்டும்.
எது எப்படியோ இலங்கை வடபகுதி கடற்றொழிலாளர்களின் தொழில் பாதுகாப்பில் இலங்கை அரசாங்கமும் இந்திய அரசாங்கமும் தமிழக முதல்வரும் தமிழக கடற்றொழில் சங்கங்களும் மனிதாபிமான அடிப்படையில் தீர்வுகாண வேண்டும்.
அதேவேளை, தங்களது பிரச்சினைகளுக்கு நிரந்தர தீர்வுகானும் முகமாக இலங்கை வடபகுதி கடற்றொழில் உறவுகள் முன்னெடுக்கும் கவனயீர்ப்பு போராட்டங்கள் உட்பட அனைத்து செயற்பாடுகளுக்கும் ஈரோஸ் ஜனநாயக முன்னணி தனது முழுமையான ஆதரவை வழங்கும் - என்றுள்ளது.
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
புங்குடுதீவு 11ம் வட்டாரம், புங்குடுதீவு 1ம் வட்டாரம், கொட்டாஞ்சேனை
22 Jun, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
