மட்டக்களப்பில் அதிகரித்துள்ள டெங்கு நோய் தாக்கம் - 149 பேருக்கு எதிராகச் சிவப்பு எச்சரிக்கை

- red alert against 149 people

By Independent Writer Mar 03, 2021 05:25 PM GMT

Independent Writer

in மருத்துவம்

Report

மட்டக்களப்பு மாவட்டத்தில் டெங்கு நோய் தாக்கம் அதிகரித்துக் காணப்படும் நிலையில் மாவட்டத்திலுள்ள அரச திணைக்களங்கள் சுத்தம் செய்யும் வேலைத்திட்டம் இடம்பெற்று வருகின்றது.

அந்தவகையில் ஓட்டமாவடி பிரதேச செயலாளர் பிரிவில் டெங்கு தாக்கம் அதிகரித்து காணப்படும் நிலையில் ஓட்டமாவடி சுகாதார வைத்திய அதிகாரி அலுவலகம் சுத்தம் செய்யும் நடவடிக்கை வைத்திய அதிகாரி வைத்தியர் எம்.எச்.எம்.தாரிக் தலைமையில் இன்று நடைபெற்றுள்ளது.

ஓட்டமாவடி சுகாதார வைத்திய அதிகாரி பிரிவில், கடந்த 2020ஆம் ஆண்டு ஒக்டோபர் முதலாம் திகதி தொடக்கம் டிசம்பர் 31ஆம் திகதி வரை டெங்கு நுளம்பு பெருகுவதற்கு வசதியாக இடங்களைச் சுத்தம் இல்லாமல் வைத்திருந்த 626 பேருக்கு எதிராகச் சிவப்பு எச்சரிக்கை விடுக்கப்பட்ட நிலையில் அவை சீர்செய்யப்பட்டுள்ளதுடன், இவ்வருடம் 149 பேருக்கு எதிராகச் சிவப்பு எச்சரிக்கை விடுக்கப்பட்டது.

அத்தோடு கடந்த 2020ஆம் ஆண்டு ஒக்டோபர் முதலாம் திகதி தொடக்கம் 2021ஆம் ஆண்டு மார்ச் முதலாம் திகதி வரை 258 நபர்களுக்கு எதிராக பொலிஸ் வழக்கு தாக்கல் செய்யப்பட்டுள்ளதாகவும், சுகாதார வைத்திய அதிகாரி வைத்தியர் எம்.எச்.எம்.தாரிக் மேலும் தெரிவித்துள்ளார்.

நிகழ்வில் மேற்பார்வை பொதுச் சுகாதார பரிசோதகர் ஏ.எல்.நௌபர், பொதுச் சுகாதார பரிசோதகர்கள், அதிகாரி அலுவலக உத்தியோகத்தர்கள் எனப் பலர் கலந்து கொண்டுள்ளனர்.