லங்காசிறி FM
முன்னாள் எம்.பிக்கும் தென்பகுதி இளைஞர்களுக்கும் இடையே முக்கிய சந்திப்பு!
தென் பகுதியில் உள்ள அரச சார்பற்ற நிறுவனம் ஒன்றிற்கும் முன்னாள் நாடாளுமன்ற உறுப்பினர் மு.சந்திரகுமாருக்கும் இடையிலான கலந்துரையாடல் ஒன்று கிளிநொச்சி - தருமபுரத்தில் நடைபெற்றுள்ளது.
குறித்த கலந்துரையாடலானது நேற்று (02) இடம்பெற்றுள்ளது.
மாகாணசபை முறைமை
இதில் 13வது சீர்திருத்தத்தை முழுமையாக நடைமுறைப்படுத்துவதற்கான ஏற்பாடுகள் குறித்தும், அதனை நிறைவேற்றுவதில் உள்ள இடர்பாடுகள் குறித்தும் விரிவாக கலந்துரையாடப்பட்டுள்ளது.
இதன்போது மு.சந்திரகுமார் இது குறித்து கருத்து தெரிவிக்கையில், வடக்கும் கிழக்கும் தெற்கும் இணைந்து ஒரு கருத்தில் மாகாண சபை முறைமை தொடர்பான பிரச்சினையை தீர்க்க வேண்டும் என்ற, இளைஞர்களின் எதிர்பார்ப்பாகவே இந்த சந்திப்பு அமைந்துள்ளது.
இந்த 13வது திருத்தச் சட்டத்தின் ஊடாக கொண்டு வரப்பட்ட மாகாணசபை முறைமையானது அரசியலமைப்பில் குறிப்பிட்டவாறு முழுமையாக நடைமுறைப்படுத்தப்பட வேண்டும்.
இது வடக்கு கிழக்கு தமிழர்களின் கோரிக்கையாக மாத்திரம் அல்லாமல் ஒட்டுமொத்தமான இலங்கை தீவிலே, எல்லா மக்களுக்கும் அந்த அதிகாரப் பரவலாக்கலை ஏற்றுக்கொள்ளும் வகையில் தென்னிலங்கையில் இருந்து வந்த இளைஞர்கள் ஆரம்பித்திருக்கும் இந்த முயற்சியை வரவேற்கிறோம்.
அவர்களுடைய இந்த முயற்சியில் வடக்கு - கிழக்கு இளைஞர்களும் இணைந்து கொள்ள வேண்டும் என்பது எமது விருப்பம் என அவர் மேலும் தெரிவித்துள்ளார்.
விருந்தகங்களில் வேட்பாளர்கள் : தேங்காய் கியூவில் வாக்காளர்கள்..! 23 மணி நேரம் முன்
புங்குடுதீவு 10ம் வட்டாரம், Toronto, Canada, பேர்ண், Switzerland
06 Nov, 2023
புங்குடுதீவு 2ம் வட்டாரம், புங்குடுதீவு குறிகட்டுவான், கனடா, Canada
03 Nov, 2013
