லங்காசிறி FM
தங்காலையில் கைப்பற்றப்பட்ட ஐஸ் லொறி குறித்து வெளியான திடுக்கிடும் தகவல்கள்
சில நாட்களுக்கு முன்பு தங்காலை சீனிமோதரவில் நடந்த மிகப்பெரிய போதைப்பொருள் கடத்தலில் முக்கிய சந்தேக நபர்களில் ஒருவராக இருந்து பின்னர் மருத்துவமனையில் இறந்த நபரின் மகன், பொலிஸ் விசாரணையின் போது பல முக்கியமான உண்மைகளை வெளிப்படுத்தியுள்ளார்.
குறித்த நபர் தற்போது பொலிஸ் காவலில் உள்ள நிலையிலேயே இந்த தகவல்கள் வெளியாகியுள்ளன.
சந்தேகநபரின் வாக்குமூலம்
இந்த போதைப்பொருள் கப்பல் கடல் வழியாக எவ்வாறு தரையிறங்கியது என்பது குறித்த முழு விவரங்களையும் தடுப்பு காவலில் உள்ள நபர் பொலிஸாரிடம் வெளிப்படுத்தியுள்ளார்.
சந்தேக நபரின் கூற்றுப்படி, அவர் தனது தந்தை, இறந்த இரண்டு இளைஞர்கள், லொறியின் உரிமையாளர் மற்றும் தலைமறைவாக இருந்த மற்றொரு நபருடன் 21ஆம் திகதி இரவு 7.00 மணியளவில் சீனிமோதரவில் உள்ள மஹவெல்ல கடற்கரைக்கு வந்துள்ளார்.
போதைப்பொருட்களை ஏற்றிச் சென்ற இரண்டு கடற்றொழில் படகுகள் இரவு 11.30 மணியளவில் கரையை அடைந்துள்ளன.
படகுகளில் ஒன்று கவிழ்ந்து, அதில் இருந்த போதைப்பொருட்கள் கரை ஒதுங்கியுள்ளன.
பின்னர் போதைப்பொருட்கள் லொறிகள் மூலம் சீனிமோதரவில் உள்ள சம்பந்தப்பட்ட வீட்டிற்கு கொண்டு செல்லப்பட்டுள்ளது.
வீட்டிற்கு கொண்டு வரப்பட்ட போதைப்பொருள் பொதியை தனது தந்தை மற்றும் இறந்த இரண்டு இளைஞர்களால் பொதி செய்யப்பட்டதாக சந்தேக நபர் ஒப்புக்கொண்டுள்ளார்.
மூன்று லொறிகளின் உரிமையாளர்கள்
வீட்டின் கதவை பூட்டிய நிலையில் அவர்கள் இந்த வேலையைச் செய்ததாகவும், பின்னர் பொதி செய்யப்பட்ட பொதிகளை சம்பந்தப்பட்ட லொறிகளில் ஏற்றிச் சென்றதாகவும் அவர் மேலும் வாக்குமூலம் அளித்துள்ளார்.
இந்த சம்பவத்தில் தொடர்புடைய மூன்று லொறிகளின் மூன்று உரிமையாளர்களும் கைது செய்யப்பட்டுள்ளனர்.
ஒரு சந்தேக நபரை கல்கிஸை நீதவான் நீதிமன்றத்தில் முன்னிலைப்படுத்திய பின்னர் செப்டம்பர் 29ஆம் திகதி வரை தடுத்து வைத்து விசாரிக்க உத்தரவிடப்பட்டுள்ளது.
அங்கு 284 கிலோ 414 கிராம் ஹெரோயின் மற்றும் 420 கிலோ 760 கிராம் ஐஸ் ஆகியவை கண்டுபிடிக்கப்பட்டன.
பொலிஸாரின் கூற்றுப்படி, கண்டுபிடிக்கப்பட்ட போதைப்பொருட்களின் மொத்த எடை 705 கிலோகிராம் 174 கிராம் என்பதுடன், இதன் பெறுமதி ரூ.9,888 மில்லியன் எனவும் தெரிவிக்கப்பட்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
உங்கள் குடும்பத்தை பிரித்தானியாவுக்கு அழைத்துக்கொள்ள விரும்புகிறீர்களா? உங்களுக்கு சில முக்கிய தகவல்கள் News Lankasri
நிலாவிடம் வம்பிழுத்தவர்களை தரமான சம்பவம் செய்த குடும்பத்தினர்.. அய்யனார் துணை தெறிக்கும் எபிசோட் Cineulagam
ஷாக்கிங் விஷயத்தை கூறிய செந்தில், கோபத்தில் திட்டிவிட்ட மீனா... பாண்டியன் ஸ்டோர்ஸ் 2 புரொமோ Cineulagam
மாவிட்டபுரம், யாழ். அத்தியடி, உரும்பிராய், திருகோணமலை, Milton, Canada
21 Sep, 2025
யாழ்ப்பாணம், கொக்குவில், Frankfurt, Germany, Toronto, Canada
22 Sep, 2025
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
