கச்சதீவு புனித அந்தோனியார் ஆலய உயர் திருவிழா குறித்து வெளியான தகவல்

Jaffna Festival Kachchatheevu

By Theepan Feb 26, 2026 02:42 PM GMT

Theepan

in சமூகம்

Report

கச்சதீவு புனித அந்தோனியார் ஆலய உயர் திருவிழாவானது மாவட்டச் செயலாளர், யாழ்ப்பாணம் அவர்களது ஒருங்கிணைப்பின் கீழ் ஆயர் இல்லம் யாழ்ப்பாணம், இலங்கை கடற்படை, இந்திய துணைத் தூதரகம் , பிரதேச செயலகம் நெடுந்தீவு, பிரதேச சபை நெடுந்தீவு மற்றும் சம்பந்தப்பட்ட சகல திணைக்களங்களினது முழுமையான ஒத்துழைப்புடன் நாளை (27) மற்றும் நாளை மறுதினம் (28) நடைபெறவுள்ளதாக அரசாங்க அதிபர் அறிவித்துள்ளார்.

அத்துடன், பின்வரும் பயண ஏற்பாடுகள் விபரங்களை பொதுமக்களுக்கு தெரிவித்துள்ளார்.

அதன்படி,நாளை காலை 4.00 மணி தொடக்கம் பி.ப 01.00 மணி வரை அரச பேரூந்துகள் மற்றும் தனியார் பேருந்துகள் யாழ்ப்பாணம் பேருந்து நிலையத்திலிருந்து குறிகட்டுவான் இறங்குதுறை வரை சேவையில் ஈடுபடும்.

படகுச்சேவை

கச்சதீவுக்கான படகுச்சேவையானது குறிகட்டுவான் இறங்குதுறையில் இருந்து நாளை காலை 5.00 மணி முதல் பி.ப 02.00 மணி வரை சேவையில் ஈடுபடுத்தப்படும்.

கச்சதீவு புனித அந்தோனியார் ஆலய உயர் திருவிழா குறித்து வெளியான தகவல் | High Festival St Anthony S Church In Katchatheevu

பிற்பகல் 2.00 மணிக்கு பின்னர் கச்சதீவிற்கான கடற்போக்குவரத்து சேவை இடம்பெறமாட்டாது என்பதனால் யாத்திரிகர்கள் குறித்த நேரத்திற்கு முன்னர் தமது பயணத்தினை மேற்கொள்ளுமாறு கேட்டுக்கொள்ளப்படுகின்றீர்கள்.

குறிகட்டுவானில் இருந்து பயணிக்கும் ஒரு நபருக்கான படகிற்குரிய ஒரு வழிப் பயணக் கட்டணம் ரூ.1200 ஆகும்.