லங்காசிறி FM
நாட்டை உலுக்கிய உலங்குவானூர்தி விபத்து.. விமானி வழங்கிய வாக்குமூலம்
Sajithra
in சட்டம் மற்றும் ஒழுங்கு
மாதுரு ஓயா நீர்த்தேக்கத்தில் வீழ்ந்து விபத்துக்குள்ளான உலங்குவானூர்தி கட்டுப்பாட்டை இழந்து நீர்த்தேக்கத்தில் மோதியதாக அதன் விமானி நீதிமன்றத்தில் தெரிவித்துள்ளார்.
கடந்த மே 9ஆம் திகதி இராணுவ சிறப்புப் படை முகாமில் இருந்து செயல்விளக்கப் பறப்பிற்காகப் புறப்பட்டு 30 வினாடிகளுக்குள், பெல் 212 என்ற உலங்குவானூர்தி மாதுரு ஓயா நீர்த்தேக்கத்தில் மோதி விபத்துக்குள்ளானது.
குறித்த உலங்குவானூர்தியில் 12 பேர் பயணித்த நிலையில் 6 பேர் உயிரிழந்தனர். உலங்கு வானூர்தியில் ஏற்பட்ட கோளாறு காரணமாக அவசர தரையிறக்கம் செய்ய முற்பட்ட போது விபத்து ஏற்பட்டதாக விமானப்படை அப்போது தெரிவித்திருந்தது.
மரணத்திற்கான காரணம்..
சம்பவம் தொடர்பான வழக்கு தெஹியத்தகண்டிய நீதிமன்றில் மீண்டும் விசாரணைக்கு எடுத்துக்கொள்ளப்பட்ட போது, தலைமை விமானி வாக்குமூலம் அளிக்கும் போது உலங்குவானூர்தி கட்டுப்பாட்டை இழந்து விபத்துக்குள்ளானதாக தெரிவித்துள்ளார்.
உலங்குவானூர்தி கட்டுப்பாட்டை இழந்து மாதுரு ஓயா நீர்த்தேக்கத்தில் மோதியது தனது தவறு அல்ல என்று தான் நம்புவதாக தலைமை விமானி, விமான லெப்டினன்ட் பவுலன் ஜெயவர்தன மேலும் குறிப்பிட்டுள்ளார்.
மேலும், உலங்குவானூர்தி ஏதோ தொழில்நுட்பக் கோளாறு காரணமாக விபத்துக்குள்ளாகியிருக்கலாம் என்று சந்தேகிப்பதாக அவர் கூறியுள்ளார், ஆனால் ஒரு குறிப்பிட்ட காரணம் இன்னும் உறுதிப்படுத்தப்படவில்லை.
இந்நிலையில், குறித்த வழக்கை இந்த மாதம் 21ஆம் திகதி மீண்டும் விசாரிக்க உத்தரவிட்ட தெஹிதட்கண்டிய நீதவான் பிரியந்த ஹல்யால, அன்றைய தினம் விபத்தில் இறந்த இரண்டு விமானப்படை வீரர்கள் மற்றும் நான்கு இராணுவ சிறப்புப் படை வீரர்களின் மரணத்திற்கான காரணத்தை அறிவிக்க முடிவு செய்தார்.
விமான விபத்து தொடர்பான விசாரணைகளின் முன்னேற்றத்தைக் குறிக்கும் அறிக்கையை அதே நாளில் நீதிமன்றத்தில் சமர்ப்பிக்குமாறு தெஹியத்தகண்டிய பொலிஸாருக்கு நீதவான் உத்தரவிட்டுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
புங்குடுதீவு 1ம் வட்டாரம், புங்குடுதீவு 10ம் வட்டாரம், Montmagny, France
08 Aug, 2025
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
வவுனியா, Lewisham, United Kingdom, Lee, United Kingdom, Orpington, United Kingdom
10 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025