அரச ஊழியர்களின் சம்பளம் மற்றும் ஓய்வூதிய பிரச்சினைகள்! அரசாங்க தரப்பிலிருந்து வெளியான அறிவிப்பு

அரச உத்தியோகத்தர்கள் மற்றும் ஓய்வூதியதாரர்களின் சம்பளம் மற்றும் ஓய்வூதிய பிரச்சினைகளுக்கு தீர்வுகளை வழங்குவதற்கும் தேவையான நடவடிக்கைகள் மேற்கொள்ளப்பட்டு வருவதாக பிரதமர் ஹரிணி அமரசூரிய தெரிவித்துள்ளார்.

நாடாளுமன்றத்தில் நேற்று (24) உரையாற்றும் போதே அவர் இவ்வாறு குறிப்பிட்டுள்ளார்.மேலும் தெரிவிக்கையில்,

அதிவிசேட வர்த்தமானி அறிவித்தல்

2026.06.22 ஆம் திகதி 2494/05 ஆம் இலக்க அதிவிசேட வர்த்தமானி அறிவித்தலின் மூலம் அரச உத்தியோகத்தர்களின் சம்பளம் மற்றும் ஓய்வூதிய பிரச்சினைகளுக்கு ஓய்வூதிய ஆணைக்குழு நியமிக்கப்பட்டுள்ளதாக பிரதமர் சுட்டிக்காட்டியுள்ளார்.

இதன்படி அரச சேவையிலும் கட்டமைப்பு ரீதியான மறுசீரமைப்புகளுக்கான பரிந்துரைகளை முன்வைத்தல், புதிய தொழில்நுட்ப மற்றும் உலகளாவிய போக்குகளுக்கு ஏற்ப எதிர்கால தேவைகளை முன்னறிவித்தல், ஒழுக்கநெறிகளை கடைப்பிடிக்கும் மற்றும் பொறுப்புக்கூறல் கொண்ட அரச சேவையை கட்டியெழுப்புவதற்கு தேவையான உத்திகளை முன்வைத்தல் ஆகியவை இந்த ஆணைக்குழுவின் பிரதான பொறுப்புகளில் அடங்குவதாக பிரதமர் தெரிவித்துள்ளார்.

 உத்தியோகத்தர்களுக்கான சம்பளம் மற்றும் கொடுப்பனவு

குறித்த வர்த்தமானி அறிவித்தலுக்கு அமைய, ஆணைக்குழு ஒரு வருடத்திற்குள் தனது பரிந்துரைகளுடன் கூடிய அறிக்கையை ஜனாதிபதியிடம் சமர்ப்பிக்க நடவடிக்கை எடுக்கப்படும் என பிரதமர் மேலும் வலியுறுத்தியுள்ளார்.

அத்துடன், அரச உத்தியோகத்தர்களின் சம்பளம் மற்றும் ஓய்வூதிய ஆணைக்குழுவிற்காக 2026.09.18 ஆம் திகதி வரை எவ்வித செலவும் மேற்கொள்ளப்படவில்லை என்றும், குறித்த திகதி வரையில் சம்பளம் மற்றும் கொடுப்பனவுகளுக்காகவும் எவ்வித பணமும் செலவிடப்படவில்லை என்றும் பிரதமர் அவர்கள் தெளிவுபடுத்தியுள்ளார்.

எவ்வாறாயினும், 2026 செப்டெம்பர் மாத சம்பளத்தை வழங்கும்போது ஆணைக்குழுவின் 04 உத்தியோகத்தர்களுக்கான சம்பளம் மற்றும் கொடுப்பனவுகளாக ஏறத்தாழ ரூ. 508,988.00 தொகையை செலுத்த வேண்டியுள்ளதாகவும் பிரதமர் இதன்போது தெரிவித்துள்ளார்.  

கொழும்பு செட்டியார் தெருவில் ஏற்பட்ட அமைதியின்மை! நகை வியாபாரியை அடித்து இழுத்துசென்ற பொலிஸாரால் ஏற்பட்ட குழப்பம்

மீண்டும் சிக்கலில் ஷிரந்தி ராஜபக்ச! சிங்கப்பூரிலிருந்து விடுத்துள்ள அவசர கோரிக்கை