பாதாள உலகக் குழுவினருக்கு அடைக்கலம் கொடுக்கும் அரச ஊழியர்கள்: உளவுத்துறை தகவல்

Sri Lanka Police Government Employee Crime

By Thulsi Dec 31, 2023 09:52 AM GMT

Thulsi

in குற்றம்

Report

பாதாள உலகக் குழுவினருக்கு அடைக்கலம் கொடுக்கும் சுமார் இரண்டாயிரம் அரச அதிகாரிகள் தொடர்பில் தகவல்கள் வெளியாகியுள்ளன.

புலனாய்வு அமைப்புகளால் குறித்த விடயம் தொடர்பான அறிக்கை அரசாங்கத்திடம் கையளிக்கப்பட்டுள்ளது.

அவ் அறிக்கையில் மேலும் குறிப்பிடுகையில்,

மக்களின் பாதுகாப்பு

பாதாள உலகக் குழுவினர் மற்றும் குற்றவாளிகளுக்கு அடைக்கலம் கொடுக்கும் அரசியல்வாதிகள், பொலிஸ் அதிகாரிகள், சிறைச்சாலை அதிகாரிகள் என சுமார் இரண்டாயிரம் அரச அதிகாரிகள் பற்றிய தகவல்கள் வெளியாகியுள்ளன.

பாதாள உலகக் குழுவினருக்கு அடைக்கலம் கொடுக்கும் அரச ஊழியர்கள்: உளவுத்துறை தகவல் | Government Employee Connect With Under World

இந்த நிலைமை மாற்றப்படும் வரை பாதாள உலகத்தை ஒடுக்குவது கடினமாகும் எனவும் தெரிவிக்கப்பட்டுள்ளது.

தடுத்து வைக்கப்பட்டுள்ள பாதாள உலகப் புள்ளிகளை விடுவிப்பதற்காக பல்வேறு நிலைகளில் உள்ள அரசியல்வாதிகள் பொலிஸார் ஊடாக தலையிட்டுள்ளமையும் தெரியவந்துள்ளதாகவும் உளவுத்துறை வட்டாரங்கள் தெரிவித்தன.

சில அரசியல்வாதிகளுடன் பாதாள உலகக் குழுவினர் தொடர்பில் இருப்பதாகவும் அந்த அரசியல்வாதிகளிடமிருந்து இவர்களுக்கு உயர் பாதுகாப்பு கிடைப்பதை அறிய முடிவதாகவும் புலனாய்வுத்துறை வட்டாரங்கள் மேலும் கூறியுள்ளன.