அனோஜனுக்கு மன்னிப்பு - ஞானசார தேரருக்கு சிறையா! நீதிமன்றத்தில் நாமல்

ஞானசார தேரர் தொடர்பான விவகாரத்தில் மகா சங்கத்தினரால் எழுத்துமூலம் அறிவிக்கப்பட்ட விடயங்களை அரசாங்கம் இரண்டு தடவைகள் நிராகரித்துள்ளதாக நாடாளுமன்ற உறுப்பினர் நாமல் ராஜபக்ச தெரிவித்துள்ளார்.

நாடாளுமன்றத்தில் இன்று உரையாற்றிய அவர், கோட்டபிட்டியே ராஹுல அனுநாயக்க தேரர் மற்றும் சங்க சபையினரால் முன்வைக்கப்பட்ட செய்தி மற்றும் கோரிக்கைகளுக்கு அரசாங்கம் உரிய கவனம் செலுத்தவில்லை என குற்றம் சுமத்தினார்.

நீதிமன்றத்தில் நாமல்

ஒரு பௌத்த தேரர் அல்லது பௌத்தர் தனது மதம், நம்பிக்கை மற்றும் தர்மம் தொடர்பில் கருத்து தெரிவிப்பதை இனவாதமாகக் கருதக்கூடாது எனக் குறிப்பிட்ட நாமல் ராஜபக்ச, மகா சங்கத்தினரை அவமதிப்பதும் விமர்சிப்பதும் நாட்டில் இனவாதத்தைத் தூண்டும் நிலையை ஏற்படுத்தக்கூடும் என எச்சரித்தார்.

மேலும், நாட்டின் கலாசாரம் மற்றும் போர்வீரர்கள் தொடர்பிலும் அரசாங்கம் ஒரு விதமான அணுகுமுறையை கடைப்பிடிப்பதாகவும், மறுபுறம் தமிழீழ விடுதலைப்புலிகள் அமைப்பு தொடர்பான நினைவேந்தல்களுக்கு அனுமதி வழங்கப்படுவதாகவும் அவர் குற்றம் சுமத்தினார்.

எதிர்க்கட்சி உறுப்பினர் ஒருவர் தமிழீழ விடுதலைப்புலிகள் அமைப்பு தொடர்பான சொற்பிரயோகம் செய்தமை தொடர்பில் விசாரணை நடத்தப்படும் நிலையில், அரசாங்கத்தைச் சேர்ந்தவர்கள் திலீபனின் நினைவேந்தல் நிகழ்வுகளில் பங்கேற்பது தொடர்பிலும் கேள்வி எழுப்பினார்.

அத்துடன், பௌத்த மதம் மற்றும் பௌத்த கலாசாரத்தை அடிப்படையாகக் கொண்ட சமூகத்தின் காரணமாகவே நாட்டில் அனைத்து மதங்களும் பாதுகாக்கப்பட்டுள்ளதாகவும் நாமல் ராஜபக்ச தெரிவித்தார். மகா சங்கத்தினரை அவமதிப்பது, பௌத்த பிக்குகளை விமர்சிப்பது மற்றும் அவர்களுக்கு எதிராக அரசியல் ஒடுக்குமுறையை மேற்கொள்வது ஏற்றுக்கொள்ள முடியாது எனவும் அவர் குறிப்பிட்டார்.

 பௌத்த மதம்

தற்போது ஜனாதிபதி மற்றொரு நாட்டின் தலைவரிடம் மன்னிப்பு கோருகிறார்.

மற்றொரு நாட்டில், அந்த மதத்தின் சட்டங்களுக்கு அமைவாக ஒருவர் தெரிவித்த கருத்துக்காக மன்னிப்பு கோருவதற்கு ஜனாதிபதி முன்வருகிறார். மன்னிப்பு வழங்கப்படுவது நல்ல விடயமே; நிச்சயமாக அது வழங்கப்பட வேண்டும்.

ஆனால், இதே அணுகுமுறையை நமது நாட்டிலும் முன்மாதிரியாகக் காட்ட வேண்டும். மற்றொரு நாட்டுக்குச் சென்று ஒரு விதமாகவும், இங்கு வேறு விதமாகவும் செயற்பட முடியாது.

எனவே, பௌத்தத்திற்காகவும் மகாசங்கத்திற்காகவும் குரல் கொடுப்பவர்களை அடக்கி, அவர்களை சிறையில் அடைத்து அரசியல் நடத்தலாம் என்று அரசாங்கம் நினைத்தால், அது வெற்றியளிக்காது என்பதை நினைவில் கொள்ள வேண்டும்.

இறுதியாக, பௌத்த மதம் மற்றும் மகா சங்கத்தினருக்காக குரல் கொடுப்பவர்களை ஒடுக்கி சிறையில் அடைப்பதன் மூலம் அரசியல் நடத்த முடியும் என அரசாங்கம் கருதினால், அது வெற்றியடையாது எனவும் அவர் தெரிவித்துள்ளார்.

கிரிஷ் நிறுவனத்துக்கு நாமல் ராஜபக்ச அனுப்பிய கடிதம்! நீதிமன்றத்தில் அம்பலமான தகவல்

ஞானசார தேரரின் உடை விவகாரம்! வீதியில் இறங்கிய ஆதரவாளர்கள்