உயிர்த்த ஞாயிறு தாக்குதல் தொடர்பில் ஞானசாரர் வெளியிட்ட உண்மையால் கிடைத்த பொது மன்னிப்பு! மீண்டும் கோரும் சாகர

Anura Kumara Dissanayaka Maithripala Sirisena Sagara Kariyawasam Galagoda Aththe Gnanasara Thero

By Benat Oct 13, 2026 05:19 AM GMT

Benat

in அரசியல்

Report

உயிர்த்த ஞாயிறு குண்டுத் தாக்குதல் தொடர்பாக ஞானசார தேரர் வெளியிட்ட பல விடயங்கள் உண்மையானதன் பின்னரே அவருக்கு முன்னாள் ஜனாதிபதி மைத்திரிபால சிறிசேன பொதுமன்னிப்பு வழங்கினார் என்று ஸ்ரீ லங்கா பொதுஜன பெரமுன கட்சியின் பொதுச் செயலாளர் சாகர காரியவசம் தெரிவித்துள்ளார்.

நேற்றையதினம்(13) இடம்பெற்ற கூட்டம் ஒன்றில் கலந்து கொண்டு கருத்துத் தெரிவிக்கும் போதே அவர் மேற்கண்டவாறு குறிப்பிட்டார்.

தொடர்ந்தும் தெரிவிக்கையில்,

ஜனாதிபதி அநுரகுமார திஸாநாயக்க தலைமையிலான அரசாங்கம், சிங்கள இனத்திற்கும், பௌத்த மதத்திற்கும் எதிராகவே செயற்படுகின்றது. ஞானசாரரின் காவியுடை களையப்பட்டமை வன்மையாக கண்டிக்கத்தக்கது.

மீண்டும் பொதுமன்னிப்பு கோரும் சாகர

சிங்கள பௌத்த மக்கள் இதற்கு கடுமையான எதிர்ப்பை வெளிப்படுத்த வேண்டும். நாட்டின் தேசிய பாதுகாப்பு தொடர்பில் ஞானசார தேரர் பல விடயங்களைக் குறிப்பிட்டிருந்தார்.

அவர் வெளியிட்ட விடயங்கள் உண்மையானதன் அடிப்படையில் தான் முன்னாள் ஜனாதிபதி மைத்திரிபால சிறிசேன அவருக்கு பொதுமன்னிப்பு வழங்கியிருந்தார்.

உயிர்த்த ஞாயிறு தாக்குதல் தொடர்பில் ஞானசாரர் வெளியிட்ட உண்மையால் கிடைத்த பொது மன்னிப்பு! மீண்டும் கோரும் சாகர | General Pardon For Gnanasara Thero Again

ஞானசார தேரருக்கு வழங்கப்பட்ட பொதுமன்னிப்பில் ஏதேனும் சிக்கல் காணப்பட்டால் அதனை நிவர்த்தி செய்து ஜனாதிபதி அவருக்கு பொதுமன்னிப்பு வழங்க வேண்டும்.

பௌத்தத்திற்கு எதிரான செயற்பாடுகளில் ஈடுபடுவதை அரசாங்கம் தவிர்த்துக் கொள்ள வேண்டும். இல்லையேல் அது பாரதூரமாக விளைவுகளை இந்த நாட்டில் ஏற்படுத்தும் என குறிப்பிட்டுள்ளார்.