இலங்கையில் கொரோனா தொற்றால் உயிரிழந்ததாக நேற்றைய தினம் அறிவிக்கப்பட்டவர்களின் முழு விபரம்

இலங்கையில் கொரோனா தொற்றால் மேலும் 8 மரணங்கள் பதிவாகியுள்ளதாக சுகாதார சேவைகள் பணிப்பாளர் நாயகம் அசேல குணவர்தன நேற்றைய தினம் அறிவித்துள்ளார்.

இந்த நிலையில் அது தொடர்பான முழுமையான விபரங்கள் வெளியாகியுள்ளன.

கொழும்பு 10 (மருதானை/மாளிகாவத்தை) பிரதேசத்தைச் சேர்ந்த, 61 வயதான ஆண் ஒருவர், கொழும்பு தேசிய வைத்தியசாலையில் சிகிச்சை பெற்று வந்த நிலையில், கொவிட்-19 தொற்றாளராக அடையாளம் காணப்பட்டதை தொடர்ந்து, ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் கடந்த புதன்கிழமை (27) நிகழ்ந்துள்ளது. அவரது மரணத்திற்கான காரணம், கொவிட்-19 நியூமோனியா, உக்கிர நீரிழிவு மற்றும் இருதய நோய் நிலை என அறிவிக்கப்பட்டுள்ளது.

கொழும்பு 15 (மட்டக்குளி/மோதரை) பிரதேசத்தைச் சேர்ந்த 52 வயதான ஆண் ஒருவர், கொழும்பு தேசிய வைத்தியசாலையில் சிகிச்சை பெற்று வந்த நிலையில், கொவிட்-19 தொற்றாளராக அடையாளம் காணப்பட்டதை தொடர்ந்து, ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் நேற்று (29) நிகழ்ந்துள்ளது. அவரது மரணத்திற்கான காரணம், கொவிட்-19 நியூமோனியா, ஈரல் மற்றும் சிறுநீரக தொற்று, உக்கிர நீரிழிவு என அறிவிக்கப்பட்டுள்ளது.

பொகுணுவிட்ட பிரதேசத்தைச் சேர்ந்த, 58 வயதான பெண் ஒருவர், கொத்தலாவல பாதுகாப்புப்படை மருத்துவ பீட வைத்தியசாலையில் சிகிச்சை பெற்று வந்த நிலையில், கொவிட்-19 தொற்றாளராக அடையாளம் காணப்பட்டதை தொடர்ந்து, ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் நேற்று (29) நிகழ்ந்துள்ளது. அவரது மரணத்திற்கான காரணம், கொவிட்-19 தொற்றுடன் இருதய செயலிழப்பு என அறிவிக்கப்பட்டுள்ளது.

இராஜகிரிய பிரதேசத்தை சேர்ந்த, 79 வயதான ஆண் ஒருவர், கொழும்பு தேசிய வைத்தியசாலையில் சிகிச்சை பெற்று வந்த நிலையில், கொவிட்-19 தொற்றாளராக அடையாளம் காணப்பட்டதை தொடர்ந்து, ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் நேற்று (29) நிகழ்ந்துள்ளது. அவரது மரணத்திற்கான காரணம், உக்கிர கொவிட்-19 நியூமோனியா, உக்கிர நீரிழிவு, அதிக இரத்த அழுத்தம், இருதய நோய் நிலை என அறிவிக்கப்பட்டுள்ளது.

கொழும்பு 15 (மட்டக்குளி/மோதரை) பிரதேசத்தைச் சேர்ந்த 93 வயதான ஆண் ஒருவர், தனது வீட்டில் மரணமடைந்துள்ளார். அவரது மரணம் நேற்று முன்தினம் (28) நிகழ்ந்துள்ளது. அவரது மரணத்திற்கான காரணம், கொவிட்-19 நியூமோனியா என அறிவிக்கப்பட்டுள்ளது.

மடுவல பிரதேசத்தைச் சேர்ந்த, 62 வயதான பெண் ஒருவர், கண்டி போதனா வைத்தியசாலையில் சிகிச்சை பெற்று வந்த நிலையில், கொவிட்-19 தொற்றாளராக அடையாளம் காணப்பட்டதைத் தொடர்ந்து, ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் நேற்று (29) நிகழ்ந்துள்ளது. அவரது மரணத்திற்கான காரணம், கொவிட்-19 நியூமோனியா உடன் இருதய செயலிழப்பு என அறிவிக்கப்பட்டுள்ளது.

வாதுவை பிரதேசத்தைச் சேர்ந்த, 39 வயதான பெண் ஒருவர், பாணந்துறை ஆதார வைத்தியசாலையில் கொவிட்-19 தொற்றாளராக அடையாளம் காணப்பட்டதைத் தொடர்ந்து, ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் இன்று (30) நிகழ்ந்துள்ளது. அவரது மரணத்திற்கான காரணம், குருதி விஷமடைவினால் ஏற்பட்ட அதிர்ச்சி, கொவிட்-19 நியூமோனியா என அறிவிக்கப்பட்டுள்ளது.

கொழும்பு 12 (வாழைத்தோட்டம்/புதுக்கடை) பிரதேசத்தைச் சேர்ந்த, 63 வயதான ஆண் ஒருவர், கொழும்பு தேசிய வைத்தியசாலையில் சிகிச்சை பெற்று வந்த நிலையில் கொவிட்-19 தொற்றாளராக அடையாளம் காணப்பட்டதை தொடர்ந்து, முல்லேரியா ஆதார வைத்தியசாலைக்கு மாற்றப்பட்டு, அங்கிருந்து ஹோமாகம ஆதார வைத்தியசாலைக்கு மாற்றப்பட்டு, அங்கு மரணமடைந்துள்ளார். அவரது மரணம் இன்று (30) நிகழ்ந்துள்ளது. அவரது மரணத்திற்கான காரணம், கொவிட்-19 நியூமோனியா, குருதி விஷமடைவு, சிறுநீரக செயலிழப்பு என அறிவிக்கப்பட்டுள்ளது.