லங்காசிறி FM
கத்தாரின் முன்னாள் அமீர் ஷேக் ஹமத் பின் கலீஃபா அல் தானி காலமானார்: 4 நாட்கள் அரசுமுறை துக்கம் அனுசரிப்பு
நவீன கத்தாரின் சிற்பியாகக் கருதப்படும் அந்நாட்டின் முன்னாள் அமீரும், 'தந்தை அமீர்' என்று போற்றப்படுபவருமான ஷேக் ஹமத் பின் கலீஃபா அல் தானி 74 வயதில் இன்று(12) ஞாயிற்றுக்கிழமை காலமானார்.
இத்தகவலை கத்தாரின் அரச நீதிமன்றமான அமிரி திவான் அதிகாரப்பூர்வமாக அறிவித்துள்ளது.
அரசுமுறை துக்கம்
அவரது மறைவையொட்டி கத்தாரில் திங்கட்கிழமை முதல் நான்கு நாட்களுக்கு அரசுமுறை துக்கம் அனுசரிக்கப்படும் என்றும், அரசு நிறுவனங்கள் மற்றும் பொதுத்துறை அமைப்புகளுக்கு விடுமுறை அளிக்கப்பட்டு, தேசியக் கொடிகள் அரைக்கம்பத்தில் பறக்கவிடப்படும் என்றும் அறிவிக்கப்பட்டுள்ளது.
1995 முதல் 2013 வரை கத்தாரை ஆட்சி செய்த ஷேக் ஹமத், எரிபொருள் வளம் மிக்க அந்த வளைகுடா நாட்டை உலக அரங்கில் ஒரு முக்கிய சக்தியாக மாற்றிய பெருமைக்குரியவர்.
இவரது ஆட்சிக் காலத்தில் கத்தார் பொருளாதார ரீதியாகவும், சமூக ரீதியாகவும் அசுர வளர்ச்சி கண்டது.
உலகின் மிகப்பெரிய திரவ இயற்கை எரிவாயு (LNG) ஏற்றுமதி நாடாக கத்தாரை உயர்த்தியதில் இவரது தொலைநோக்கு பார்வை முக்கியப் பங்கு வகித்தது.
முன்னாள் அமீர்
மேலும், 1996-ல் சர்வதேச அளவில் புகழ்பெற்ற 'அல் ஜசீரா' செய்தி ஊடகத்தைத் தொடங்கியதும் இவரது காலத்தில்தான். 2004இல் கத்தாரின் முதல் நிரந்தர அரசியலமைப்பை இயற்றியதுடன், உள்ளாட்சித் தேர்தல்களில் பெண்கள் வாக்களிக்கவும், போட்டியிடவும் இவர் உரிமை வழங்கினார்.
கடந்த 2012-ல் கத்தாரில் நடைபெற்ற வரலாற்றுச் சிறப்புமிக்க ஆண்கள் ஃபிஃபா உலகக் கிண்ணம் 2012 கால்பந்து தொடரை வெற்றிகரமாக நடத்திய பெருமையும் இவரையே சாரும்.
2013-ஆம் ஆண்டு வளைகுடா நாடுகளின் பாரம்பரிய வழக்கங்களுக்கு மாறாக, தனது அதிகாரத்தை தனது மகனான தற்போதைய அமீர் ஷேக் தமீம் பின் ஹமத் அல் தானியிடம் இவர் தானாக முன்வந்து ஒப்படைத்தார்.
ஷேக் ஹமத்தின் மறைவுக்கு எகிப்து ஜனாதிபதி அப்தெல் ஃபத்தா அல்-சிசி, பாகிஸ்தான் அதிபர் ஆசிப் அலி சர்தாரி மற்றும் ஐக்கிய அரபு அமீரக அதிபர் முகமது பின் சயீத் அல் நஹ்யான் உள்ளிட்ட பல்வேறு உலகத் தலைவர்கள் தங்களது ஆழ்ந்த இரங்கலைத் தெரிவித்து வருகின்றனர்.
அவரது இரத்தத்திற்குப் பழிவாங்குவது உறுதி: தந்தையின் இறுதிச்சடங்கில் மொஜ்தபா கமேனி உருக்கம் News Lankasri
செவ்வாய் மீது சனியின் மூன்றாம் பார்வை... அதிர்ஷ்டத்தினை அள்ளிச் செல்லும் ராசியினர் யார்னு தெரியுமா? Manithan
சூரியன் - குரு சேர்க்கையால் உருவாகும் குரு ஆதித்ய ராஜயோகம்: உச்சகட்ட அதிர்ஷ்டம் பெறும் ராசிகள் யார்? Manithan
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
