Flydubai விமான சம்பவத்தின் பின்னால் மிகப்பெரிய சதியா! மொசாட் மீது விரல் நீட்டும் சமூக வலைத்தளங்கள்
துபாயிலிருந்து டெல் அவிவ் நோக்கிப் பயணித்த Flydubai FZ1073 விமானத்தில் இடம்பெற்ற சம்பவம் தொடர்பாக, இஸ்ரேலிய உளவு அமைப்பான மொசாட் மீது சமூக வலைத்தளங்களில் பல்வேறு குற்றச்சாட்டுகள் முன்வைக்கப்பட்டுள்ளன.
செப்டம்பர் 30ஆம் திகதி இடம்பெற்ற இந்தச் சம்பவத்தில், விமானத்தின் துணை விமானி பிரதான விமானியை தாக்கியதாகவும், அதன் பின்னர் விமானம் வேகமாக உயரம் இழந்ததாகவும் தெரிவிக்கப்பட்டது.
பயணிகள் மற்றும் விமானக் குழுவினர் தலையிட்டு துணை விமானியை கட்டுப்படுத்தியதையடுத்து, விமானம் சவுதி அரேபியாவின் Tabuk விமான நிலையத்தில் பாதுகாப்பாக தரையிறக்கப்பட்டது.
இந்தச் சம்பவத்தைத் தொடர்ந்து, இது ஒரு திட்டமிடப்பட்ட “False Flag” நடவடிக்கையாக இருக்கலாம் என்றும், இஸ்ரேலுக்கு சர்வதேச அளவில் அனுதாபத்தை உருவாக்குவதற்காக மொசாட் இதன் பின்னணியில் இருந்திருக்கலாம் என்றும் சமூக வலைத்தளங்களில் சிலர் குற்றம் சாட்டி வருகின்றனர்.
மேலும், விமானம் குறுகிய நேரத்தில் ஆயிரக்கணக்கான அடி உயரத்தை இழந்தது, விமானத்தின் பாதுகாப்பு நடைமுறைகள், துணை விமானியின் பின்னணி மற்றும் இஸ்ரேலுக்குச் செல்லும் விமானங்களில் மேற்கொள்ளப்படும் பாதுகாப்புச் சோதனைகள் போன்றவை குறித்து பல்வேறு கேள்விகளும் எழுப்பப்பட்டுள்ளன.
எனினும், இந்தக் கேள்விகள் அல்லது சந்தேகங்கள் மட்டும் மொசாட் தொடர்பை நிரூபிப்பதில்லை.
சம்பவம் தொடர்பாக ஐக்கிய அரபு அமீரகம் உள்ளிட்ட பல தரப்பினரால் விசாரணைகள் முன்னெடுக்கப்பட்டு வருகின்றன. சம்பவத்துக்கு பயங்கரவாதத் தொடர்பு அல்லது முன்கூட்டிய திட்டமிடல் இருந்ததா என்பதையும் விசாரணையாளர்கள் ஆராய்ந்து வருகின்றனர்.
இதற்கிடையில், சில அறிக்கைகள் துணை விமானியின் முந்தைய பின்னணி மற்றும் பணிநியமன நடைமுறைகள் குறித்தும் விசாரணைகள் நடைபெற்று வருவதாகத் தெரிவிக்கின்றன.
இந்த விடயங்கள் தொடர்பில் முழுமையாக ஆராய்கின்றது உண்மையின் தரிசனம் நிகழ்ச்சி...