லங்காசிறி FM
மன்னாரில் சிறுபோக செய்கைக்கான முதல் கட்ட நீர் விநியோகம்
மன்னார் (Mannar) கட்டுக்கரை குளத்தின் கீழ் உள்ள புலவு நிலங்களில் முன்னெடுக்கப்படுகின்ற சிறுபோக நெற்செய்கைக்கான முதல் கட்ட நீர் விநியோகம் எதிர்வரும் 27ஆம் திகதி திறக்கப்படவுள்ளதாக மன்னார் மாவட்ட அரசாங்க அதிபர் க.கனகேஸ்வரன் (K.Kanageshwaran) தெரிவித்துள்ளார்.
மன்னார் மாவட்டச் செயலகத்தில் இன்று (20.05.2024) இடம்பெற்ற ஊடக சந்திப்பிலேயே அவர் இவ்வாறு குறிப்பிட்டுள்ளார்.
அவர் மேலும் தெரிவிக்கையில்,
"மன்னார் கட்டுக்கரை குளத்தின் கீழ் புலவு நிலங்களில் முன்னெடுக்கப்படுகின்ற சிறுபோக நெற் செய்கைக்கான ஏற்பாடுகள் தற்போது முன்னெடுக்கப்பட்டு வருகின்றன.
காலபோக பயிர்ச்செய்கை
இந்த மாவட்டத்தில் மொத்தமாக காலபோக பயிர்ச்செய்கையானது 30 ஆயிரத்து 36 ஏக்கர் பரப்பளவில் முன்னெடுக்கப்பட்டுள்ளது.
இதனடிப்படையில், கடந்த வாரம் இடம்பெற்ற கூட்டத்தில் 12இற்கு 1 என்ற அடிப்படையில் 2918 ஏக்கர் கட்டுக்கரை குளத்தின் கீழ் இவ்வருடத்திற்கான சிறுபோகம் செய்ய தீர்மானிக்கப்பட்டு இருந்தது.
எனினும், தற்போது பெய்து வருகின்ற மழையுடனான காலநிலையை கருத்திற்கொண்டு கடந்த 16ஆம் திகதி வாய்க்கால் அமைப்புக்களின் தலைவர்கள் மற்றும் திணைக்கள தலைவர்களுடன் இடம்பெற்ற கூட்டத்திற்கமைவாக 10இற்கு 1 என்ற அடிப்படையில் அதாவது 10 ஏக்கர் பெரும்போகம் செய்த ஒரு விவசாயிக்கு 1 ஏக்கர் புலவில் பயிர்ச்செய்கையில் இவ்வருடம் சிறு போகம் செய்ய தீர்மானிக்கப்பட்டுள்ளது.
நீர் திறப்பு
இதற்கமைய, இந்த ருடம் 3495 ஏக்கர் சிறுபோக செய்கை மேற்கொள்ள தீர்மானிக்கப்பட்டுள்ளது. ஏற்கனவே, திறக்கப்பட்ட புலவுக்கு மேலதிகமாக 6 புலவுகள் திறக்கப்பட்டு சிறு போகத்திற்கான நடவடிக்கைகள் மேற்கொள்ளப்பட்டன.
மேலும், முதலாம் கட்ட நீர் திறப்பு எதிர்வரும் 27ஆம் திகதி அன்று சிறு போகத்திற்கு திறந்து விடப்பட உள்ளது. நீர் விநியோக இறுதி திகதி செப்டெம்பர்1ஆம் திகதி என தீர்மானிக்கப்பட்டுள்ளது.
எனவே, கட்டுக்கரை குளத்தின் கீழ் சிறுபோக செய்கை முன்னெடுக்கவுள்ள விவசாயிகள் நீர் திறப்பு திகதி மற்றும் நீர் விநியோக இறுதி திகதி ஆகியவற்றை கருத்தில் கொண்டு சிறுபோக செய்கையை மிக விரைவாக ஆரம்பிக்க நடவடிக்கைகளை மேற்கொள்ளுங்கள்.
இதில் தற்போது ஒதுக்கப்பட்டுள்ள காணிகளின் உரிமையாளர்களுக்கு முன்னுரிமை வழங்கப்பட்டுள்ளது” என குறிப்பிட்டுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
இராணுவத்தின் வசமுள்ள துயிலும் இல்லங்களை அநுர அரசு விடுவிக்க வேண்டும்… 15 மணி நேரம் முன்
மூன்றாம் உலகப்போரில் மக்கள்தொகையில் மூன்றில் ஒரு பங்கு இறக்கலாம்... பிரபலம் ஒருவரின் தீர்க்கதரிசனம் News Lankasri
ஆயுதங்கள் மொத்தம் தயார் நிலையில்... மிக இரகசியமான இடத்தில் குவிப்பு: ரஷ்ய அதிகாரி சூசகம் News Lankasri
மனமுடைந்து பதிவிட்ட அர்ச்சனா! - பிக் பாஸ் வீட்டில் அருண் பிரசாத் செய்த விஷயத்தால் சர்ச்சை Cineulagam
இன்று பிறந்தநாள் கொண்டாடும் உதயநிதி ஸ்டாலின் அசரவைக்கும் சொத்து மதிப்பு.. எவ்வளவு தெரியுமா Cineulagam
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
கல்வியங்காடு, Wembley, United Kingdom, King's Lynn, United Kingdom
22 Nov, 2024
