லங்காசிறி FM
விற்பனையில் காணப்படும் காலாவதியான மருந்து பொருட்கள்: இணங்கான மக்களிடம் வேண்டுகோள் (Video)
பாவனைக்குதவாத மற்றும் காலாவதியான பொருட்களை விற்பனை செய்யும் வியாபார நிலையங்கள் மற்றும் மருந்தகங்கள் தொடர்பிலான தகவல்களை வழங்குமாறு பொதுமக்களிடம் களுவாஞ்சிகுடி பிரதேச சுகாதார வைத்திய அதிகாரி டாக்டர் ஞானராஜா சஞ்ஜய் வேண்டுகோள் விடுத்துள்ளார்.
மட்டக்களப்பு களுவாஞ்சிகுடி சுகாதார வைத்திய அதிகாரி பிரிவுக்குட்பட்ட பகுதிகளில் உள்ள மருந்தகங்கள்,வர்த்தக நிலையங்கள், உணவு விற்பனை நிலையங்கள், ஹோட்டல்கள் தொடர்ச்சியான சோதனைகளுக்குட்படுத்தப்பட்டு வருகின்றன.
இந்நிலையில் இன்றைய தினமும் களுவாஞ்சிகுடி சுகாதார வைத்திய பிரிவுக்குட்பட்ட பல வர்த்தக நிலையங்கள், மருந்தகங்கள், உணவு விற்பனை நிலையங்கள் சோதனைக்குட்படுத்தப்பட்டன.
சோதனை நடவடிக்கைகள்
களுவாஞ்சிகுடி பிரதேச சுகாதார வைத்திய அதிகாரி டாக்டர் ஞானராஜா சஞ்ஜய் தலைமையில் பொதுச்சுகாதார பரிசோதகர்களினால் இந்த சோதனை நடவடிக்கைகள் முன்னெடுக்கப்பட்டு வருகின்றன.
இதன்போது காலாவதியான பொருட்களை விற்பனை செய்த விற்பனை நிலையங்களுக்கு எதிராக சட்ட நடவடிக்கைகள் எடுக்கப்பட்டுள்ளதுடன் சுகாதார நடைமுறைகளை மீறிய வகையில் செயற்பட்ட வர்த்தக நிலையங்களுக்கு எச்சரிக்கை விடுக்கப்பட்டுள்ளது.
குருக்கள்மடம் தொடக்கம் கல்லாறு வரையான பகுதிகளில் உள்ள அனைத்து வர்த்தக நிலையங்களையும் சோதனையிடும் பணிகள் முன்னெடுக்கப்படவுள்ளது.
மக்களுக்கு விடுக்கப்பட்டுள்ள வேண்டுகோள்
இதன்போது காலாவதியான, உற்பத்தி திகதி கொண்ட பட்டியல் இல்லாத, பாவனைக்குதவாத பொருட்கள் கைப்பற்றப்பட்டுள்ளதுடன் சிலருக்கு எதிராக வழக்கு தொடரப்பட்டுள்ளதுடன் எச்சரிக்கை வழங்கப்பட்டுள்ளதாக களுவாஞ்சிகுடி பிரதேச சுகாதார வைத்திய அதிகாரி டாக்டர் ஞானராஜா சஞ்ஜய் தெரிவித்துள்ளார்.
இதேநேரம் தற்போது மழை காலம் ஆரம்பித்துள்ள காரணத்தினால் பொதுமக்களை நுளம்பு பெருகாவண்ணம் தமது சுற்றாடல்களை பாதுகாப்பாக வைத்துக்கொள்ளுமாறும் அவர்
வேண்டுகோள் விடுத்துள்ளார்
அய்யனார் துணை சீரியல் நடிகைக்கு கிடைத்த விருது.. விஜய் டெலிவிஷன் விருது மேடையில் ஸ்வீட் சர்ப்ரைஸ் Cineulagam
ஜனாதிபதி ட்ரம்ப் நாட்டை விட்டு வெளியேறியதும்... பிரித்தானியா எடுக்கவிருக்கும் அதி முக்கிய முடிவு News Lankasri
சில்லாலை, கனகராயன்குளம், சென்னை, India, திருச்சி, India
19 Sep, 2018
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
