லங்காசிறி FM
இலங்கையில் செல்லப்பிராணிகள் வைத்திருப்போருக்கு அவசர எச்சரிக்கை
நாட்டின் பல பகுதிகளில் வெப்பநிலை கடுமையாக உயர்ந்து வருவதால் இலங்கையில் விலங்குகள் ஒரு அமைதியான வெப்ப நெருக்கடியை எதிர்கொள்வதாக கால்நடை மருத்துவர்கள் எச்சரிக்கை விடுத்துள்ளனர்.
இதனால் செல்லப்பிராணிகள், பண்ணை விலங்குகள் மற்றும் பறவைகளுக்கு நீரிழப்பு ஒரு கடுமையான அச்சுறுத்தலாக உள்ளது என்றும் சுட்டிக்காட்டப்பட்டுள்ளது.
இது தொடர்பில் கால்நடை மருத்துவ சங்கத்தின் செயலாளர் வைத்தியர் உதிதா விஜேசிங்க தெரிவிக்கையில், மனிதர்களைப் போலவே விலங்குகளும் கடும் வெப்பத்தின் போது வெப்பத்தாக்கம், தோல் தடிப்புகள், வெயிலினால் ஏற்படும் தோல் எரிச்சல், நோய்கள் மற்றும் ஒட்டுண்ணித் தாக்குதல்களால் பாதிக்கப்படக்கூடியவை.
நீரிழப்பு
இந்தப் பருவத்தில் பண்ணை விலங்குகள் மற்றும் செல்லப்பிராணிகள் ஆகிய இரண்டும் எதிர்கொள்ளும் முக்கிய சவால் நீரிழப்பு ஆகும். அதிக வெப்பநிலையானது வியர்த்தல் அல்லது மூச்சு வாங்குதல் மூலம் நீர் இழப்பை அதிகரிக்கிறது, இது விரைவாக நீரிழப்புக்கு வழிவகுக்கும். நீரிழப்பின் விளைவுகள் கடுமையானதாக இருக்கலாம்.
மந்தநிலை மற்றும் பலவீனம் முதல் உறுப்பு செயலிழப்பு அல்லது தீவிர நிகழ்வுகளில் மரணம் வரை ஏற்படலாம். எனவே செல்லப்பிராணி உரிமையாளர்கள், குழிவிழுந்த கண்கள், உலர்ந்த வாய் மற்றும் வேகமான இதயத்துடிப்பு போன்ற அறிகுறிகள் இருந்தால் அது குறித்து கவனம் செலுத்த வேண்டும்.
அதேநேரம், பகல் நேரங்களில் செல்லப்பிராணிகளை வீட்டில் விட்டுச்செல்லும் உரிமையாளர்கள், விலங்குகள் வெப்பத்தைச் சமாளிக்க உதவும் வகையில் மின்விசிறிகளை இயக்கவும், சரியான காற்றோட்டத்தை உறுதி செய்யவும் வேண்டும் என அறிவுறுத்தியுள்ளார்.
சிறப்பு கவனம்
அத்துடன் பண்ணை விலங்குகளுக்கு தினமும் அதிக அளவு தண்ணீர் தேவைப்படுகிறது. மாடுகளுக்கு ஒரு நாளைக்கு சுமார் 120 லிட்டர் தண்ணீரும், செல்லப் பிராணிகள் ஆரோக்கியமாக இருக்க 150 மில்லி தண்ணீர் பருக வேண்டும்.
இளம் விலங்குகள், வயதான விலங்குகள் மற்றும் ஏற்கனவே நோய்வாய்ப்பட்ட விலங்குகள் உட்பட, எளிதில் பாதிக்கப்படக்கூடிய விலங்குகளுக்கு சிறப்பு கவனம் செலுத்தப்பட வேண்டும் என்று அவர் வலியுறுத்தியுள்ளார்.
வெள்ளைக்கும் பச்சைக்கும் இடையிலான யுத்தம் நிறைவடையுமா..! 16 மணி நேரம் முன்
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
