லங்காசிறி FM
பதவியேற்று ஒரு வாரத்தில் உயிரிழந்த துணை தூதுவர்
இத்தாலியின் மிலான் நகருக்கான இலங்கையின் புதிய துணை தூதுவராக கடமையாற்றிய பிரபல சிங்கள பாடகி நீல விக்ரமசிங்க (Neela wickramasinghe) திடீர் சுகவீனம் காரணமாக உயிரிழந்துள்ளார்.
நீல விக்ரமசிங்க கடந்த 10 ஆம் திகதி மிலானுக்கான இலங்கையின் துணை தூதுவராக கடமைகளை பொறுப்பேற்றார்.
அவருக்கு திடீரென ஏற்பட்ட மாரடைப்பு காரணமாக வைத்தியசாலையில் அனுமதிக்கப்பட்ட நிலையில் உயிரிழந்துள்ளார். நீல விக்ரமசிங்க இறக்கும் போது அவருக்கு 71 வயது என தெரிவிக்கப்பட்டுள்ளது.
மாஸ்டர் சர்' போன்ற பிரபலமான சிங்கள பாடலையும் சிங்கள பாடகர் டி.எம். ஜயரத்னவுடன் பாடிய பாடல்களும் பிரபலமானவை, முன்னாள் இசை ஆசிரியரான அவர், 1974 ஆம் ஆண்டு வட இந்திய இந்துஸ்தானி பாரம்பரிய இசையைப் கற்று சங்கீத் விஷாரத பட்டமும் பெற்றார்.
இசைத்துறையில் 55 ஆண்டுகளுக்கும் மேலான அனுபவத்தை கொண்ட அவர், பின்னணிப் பாடகியாக 60க்கும் மேற்பட்ட சிங்கள படங்களில் 100க்கும் அதிகமான பாடல்களை பாடியுள்ளார்.
அத்துடன் மூன்று முறை சரசவிய விருது, ஜனாதிபதி விருது, சுமதி டெலி விருது, சோண்டா விருது மற்றும் வனிதா விருது ஆகியவற்றையும் பெற்றுள்ளார்.
