லங்காசிறி FM
இலத்திரனியல் வாகனத் துறையில் இலங்கையின் புதிய புரட்சி
உலகளாவிய ரீதியில் நாளுக்கு நாள் ஒவ்வொருத் துறைகளிலும் மாற்றங்கள் ஏற்பட்டு வரும் நிலையில், அதற்கு ஏற்றாற் போல எமது நாடும் பல துறைகளில் முன்னேற்றம் காண வேண்டியது அவசியமாகின்றது.
இந்த நிலையில், பொருளாதார நெருக்கடி, எரிபொருள் நெருக்கடி போன்ற காரணங்களால் இலத்திரனியல் வாகனங்களுக்கான கேள்வி எம்மத்தியில் மாத்திரமின்றி உலகளாவிய ரீதியிலும் அதிகரித்து காணப்படுகின்றது.
புதிய அறிமுகம்
இவ்வாறான சந்தர்ப்பத்தில் தான், இலங்கையில் இலத்திரனியல் வாகனம் ஒன்றை அறிமுகப்படுத்தியுள்ளது தனியார் நிறுவனமொன்று.
குறிப்பாக இலங்கையில் பொருளாதார நெருக்கடி உச்சக்கட்டத்தில் இருந்த போது இலத்திரனியல் வாகனத்தின் தேவை அதிகமாக உணரப்பட்டது.
இதனை அடிப்படையாகக் கொண்டு குறித்த இலத்திரனியல் மோட்டார் வாகனம் உற்பத்தி செய்யப்பட்டு தற்போது அறிமுகம் செய்யப்பட்டுள்ளது.
மேலும், இந்த இலத்திரனியல் வாகன அறிமுகமானது இலங்கையில் இலத்திரனியல் வாகனத் துறையின் புரட்சியாக பலராலும் பார்க்கப்படுகின்றது.
