நிறுத்தாது சென்ற மோட்டார்சைக்கிள்கள்! 20 கோடி ரூபா பெறுமதியான போதைப்பொருளை கைப்பற்றிய பொலிஸார்

Sri Lanka Police Kilinochchi Sri Lanka Police Investigation

By Thevanthan Nov 03, 2026 09:06 AM GMT

Thevanthan

in சமூகம்

Report

20 கோடி பெறுமதியான ஹெரோயின் மற்றும் ஐஸ் போதைப்பொருட்களை பூநகரி பொலிஸார் மீட்டுள்ளனர்.

பூநகரி பொலிஸ் புலனாய்வுப் பிரிவுக்கு கிடைத்த இரகசிய தகவலுக்கு அமைவாக குறித்த போதைப்பொருட்கள் நேற்று இரவு மீட்கப்பட்டுள்ளது.

மன்னார் - யாழ்ப்பாணம் வீதி ஊடாக யாழ்ப்பாணம் நோக்கி பயணித்த இரண்டு மோட்டார் சைக்கிள்களை பொலிஸார் சோதனையிட நிறுத்தியுள்ளனர்.

குறித்த மோட்டார் சைக்கிள்கள் நிறுத்தாது பயணித்த நிலையில் துரத்தி சென்றபோது, போதைப் பொருட்களை வீசிவிட்டு நான்கு சந்தேக நபர்களும் தப்பிச் சென்றுள்ளனர்.

போதைப்பொருள் மீட்பு

பூநகரி பொலிஸ் நிலைய பொறுப்பதிகாரி அசேல குணதிலக தலைமையில் நடந்த குறித்த போதைப்பொருள் தடுப்பு நடவடிக்கையில் 13 கிலோ 950 கிராம் ஹெரோயினும், 1040 கிராம் ஐஸ் போதைப்பொருளும் மீட்கப்பட்டுள்ளது.

நிறுத்தாது சென்ற மோட்டார்சைக்கிள்கள்! 20 கோடி ரூபா பெறுமதியான போதைப்பொருளை கைப்பற்றிய பொலிஸார் | Drugs Seized During A Roadside Check

இதன் பெறுமதி 20 கோடி என கணிக்கப்பட்டுள்ளதாக பொலிஸார் தெரிவிக்கின்றனர்.

மீட்கப்பட்ட போதைப்பொருள் தொடர்பாக தொடர்ச்சியான விசாரணை மேற்கொண்டு வரும் பூநகரி பொலிஸார், கிளிநொச்சி நீதிமன்றில் முன்னிலைப்படுத்த நடவடிக்கை மேற்கொண்டு வருகின்றனர்.

கிளிநொச்சி மாவட்டத்தில் பெரும் தொகையில் ஹெரோயின் மற்றும் ஐஸ் போதைப்பொருள் மீட்கப்பட்ட முதல் சந்தர்ப்பம் இது என்பது குறிப்பிடத்தக்கது.