லங்காசிறி FM
வடமாகாணத்தில் காணி அபகரிப்பு தொடர்பில் விசேட கலந்துரையாடல் (Photos)
வடமாகாணத்தில் மக்களினுடைய காணிகளை அரசும், படையினரும் கையகப்படுத்தியுள்ளதனால் மக்கள் இடம்பெயர்ந்து பல வருடங்களாக வேறு இடங்களில் வாழ்ந்து வருகின்றதாகவும், அரசாங்கம் மக்களின் காணிகளை மக்களிடம் மீள கையளிக்க இதுவரை எந்த நடவடிக்கைகளையும் மேற்கொள்ளவில்லை எனவும் பாதிக்கப்பட்ட மக்கள் குற்றம் சுமத்தியுள்ளனர்.
மன்னார் சமூக பொருளாதார மேம்பாட்டுக்கான நிறுவனத்தின் பணிப்பாளர் ஜாட்சன் பிகிறாடோ தலைமையில் “வடமாகாண காணி அபகரிக்கப்பட்டோரின் குரல்” எனும் தொனிப்பொருளில் நேற்று மன்னாரில் உள்ள தனியார் விருந்தினர் விடுதியில் இது தொடர்பிலான விசேட கலந்துரையாடலொன்று இடம்பெற்றுள்ளது.
வருகை தந்துள்ள பிரதிநிதிகளின் கருத்துக்கள்
இதன்போது, வடக்கில் உள்ள ஒவ்வொரு மாவட்டங்களையும் உள்ளடக்கி வருகை தந்திருந்த பிரதிநிதிகள் தமது மாவட்டங்களில் இடம்பெற்றுள்ள காணி அபகரிப்பு தொடர்பாக தெளிவுபடுத்தியுள்ளனர்.
"இதற்கமைய அரசாங்கம், படையினர், வனவள தொல்பொருள் திணைக்களம் போன்றவர்கள் மக்களின் காணிகளை அபகரிப்பு செய்துள்ளனர்.
கடந்த1984 ஆம் ஆண்டு சிங்கள அரசாங்கத்தால் திட்டமிட்டு நாம் வெளியேற்றப்பட்டோம், எமது கிராமங்களை பாதுகாப்பு வலயமாக இந்த அரசாங்கம் உருவாக்கி உள்ளது.
மேலும் சிங்கள மக்களை அங்கு குடியேற்ற செய்துள்ளனர். தமிழர்களின் பாரம்பரிய நிலங்களில் இந்த குடியேற்றம் இடம்பெற்றுள்ளது.
ராஜபக்ச அரசாங்கம் மீதான குற்றச்சாட்டு
எமது விளை நிலங்கள் இதுவரை விடுவிக்கப்படவில்லை. சிங்கள அரசாங்கம் பாரபட்சமாக நடந்து கொள்கிறது. ஒரே குடையின் கீழ் ஒரே நாட்டில் ஒரு ஆட்சியின் கீழ் ஒரு தாய் மக்கள் போல் வாழ்வதாக ராஜபக்ச அரசாங்கம் கூறி வந்தது.
இந்த நிலையில் தமிழர்களின் காணிகளை அபகரித்து சிங்கள மக்களுக்கு வழங்கி தமிழர்களை ஓரங்கட்டியுள்ளனர்.
இந்த புறக்கணிப்பு எங்களுக்கு கோபத்தை ஏற்படுத்தியுள்ளது. இதனாலேயே சிங்கள மக்கள், சிங்கள அரசாங்கம் என்று கூறுகின்ற போது வெறுப்பை ஏற்படுத்துகிறது.
எனவே இந்த நிலை மாற வேண்டும். சிங்கள அரசாங்கம் தமிழர்களையும் மனிதராக ஏற்றுக்கொள்ள வேண்டும்” என பலர் ஆதங்கம் தெரிவித்துள்ளனர்.
இந்த கலந்துரையாடலில் வட மாகாணத்தில் தமது காணியை இழந்து பாதிக்கப்பட்ட பொதுமக்கள், அமைப்புகள் மற்றும் கிராம மட்ட
தலைவர்கள் உட்பட பலர் கலந்து கொண்டிருந்தமை குறிப்பிடத்தக்கது.
புங்குடுதீவு 1ம் வட்டாரம், புங்குடுதீவு 10ம் வட்டாரம், Montmagny, France
08 Aug, 2025
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
வவுனியா, Lewisham, United Kingdom, Lee, United Kingdom, Orpington, United Kingdom
10 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
