லங்காசிறி FM
வைக்கோலை நாய் உண்பதுமில்லை உண்ணும் மாட்டுக்கு கொடுப்பதுமில்லை-அமைச்சர் ஹரினை மறைமுகமாக சாடியுள்ள டயனா கமகே
சுற்றுலாத்துறை ராஜாங்க அமைச்சுக்கான பொறுப்புக்களை தனியாக வழங்குமாறு ஜனாதிபதி ரணில் விக்ரமசிங்கவிடம் கோரியுள்ளதாக ராஜாங்க அமைச்சர் டயனா கமகே தெரிவித்துள்ளார்.
கொழும்பில் அரசாங்க தகவல் திணைக்களத்தில் நேற்று நடைபெற்ற செய்தியாளர் சந்திப்பில் அவர் இதனை கூறியுள்ளார்.
எதிர்பார்த்த சேவையை செய்ய வேண்டுமாயின் பொறுப்புக்களை வழங்க வேண்டும்
நாட்டுக்கு சரியான முறையில் எதிர்பார்த்த சேவையை செய்ய வேண்டுமாயின் எனக்கு நிறுவனங்களை ஒதுக்கி உரிய பொறுப்புக்களை வழங்க வேண்டியது அவசியம்.
ஒரு நபரோ அல்லது இரண்டு பேரோ அமைச்சுக்களின் பொறுப்புக்கள் மற்றும் அதிகாரத்தை பிடித்துக்கொண்டிருந்தால், திறமையாக பணியாற்றும் வாய்ப்பு இல்லாமல் போகும்.
அப்படி நடந்தால், வைக்கோலை நாய் உண்பதுமில்லை, உண்ணும் மாட்டுக்கும் கொடுப்பதில்லை என்ற நிலைமையே ஏற்படும். இதன் காரணமாகவே அதிகாரங்களை வழங்குமாறு நான் ஜனாதிபதியிடம் கோரினேன் எனவும் டயனா கமகே கூறியுள்ளார்.
சுற்றுலாப் பயணிகள் டொலரை செலவிடுவதற்கு இரவு நேர களியாட்ட விடுதிகள் இருக்க வேண்டும்
கஞ்சா பயிரிடுவதை சட்டமாக்குதல் மற்றும் இரவு பொருளாதாரம் தொடர்பிலும் டயனா கமகே மீண்டும் கருத்து வெளியிட்டுள்ளார்.
பல நாடுகளில் இரவு பொருளாதாரம் 70 வீதம் நடைமுறைப்படுத்தப்படுகிறது.சுற்றுலாப் பயணிகள் டொலர்களை செலவிட வேண்டுமாயின் அவர்களுக்கு இரவு நேர களியாட்ட விடுதிகள் இருக்க வேண்டும்.
சாப்பிடவும் குடிக்கவும் நடனமாடவும் தேவையான சூழல் இருக்க வேண்டும். இரவு 10 மணியுடன் அனைத்தையும் முடிவிடுவது சரியாக இருக்காது.
கஞ்சா பயிரிடுவதை சட்டமாக்குவது தொடர்பில் நடவடிக்கைகளை மேற்கொள்ள ஜனாதிபதி ஏற்கனவே குழு ஒன்றை நியமித்துள்ளார்.
கஞ்சாவை பயிரிட்டு, அதன் மூலம் தயாரிக்கப்படும் பொருட்களை ஏற்றுமதி செய்வது சம்பந்தமான யோசனைகளை ஆராய்ந்த பின்னர் அடுத்த நடவடிக்கைகள் தொடர்பாக தீர்மானிக்கப்படும் எனவும் டயனா கமகே மேலும் தெரிவித்துள்ளார்.
சுற்றுலாத்துறைக்கு பொறுப்பான அமைச்சரவை அந்தஸ்துள்ள அமைச்சராக ஹரின் பெர்னாண்டோ பதவி வகித்து வருகிறார்.
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
கொல்லன்கலட்டி, மல்லாகம், Vancouver, Canada, Tooting, United Kingdom
14 Jul, 2011
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
Conflans-Sainte-Honorine, France, London, United Kingdom, Nanterre, France
01 Jul, 2026
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
கைதடி, கொழும்பு, New York, Rochester, United States
10 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
