புத்தளம் மாவட்டத்திற்கான காதி நீதிபதியை மாற்ற கோரி ஆர்ப்பாட்டம்

புத்தளம் மாவட்டத்திற்கான கடமையாற்றும் காதி நீதிபதியை விலக்கி புதிய ஒரு காதி நீதிபதியை நியமிக்குமாறு கோரி ஆர்ப்பாட்டமொன்று முன்னெடுக்கப்பட்டுள்ளது.

குறித்த ஆர்ப்பாட்டமானது நேற்று(11.01.2024) பெண்கள் நீதி அமைப்பினரினால் மேற்கொள்ளப்பட்டுள்ளது.

அத்துடன் பாதிக்கப்பட்ட பெண்களின் தரப்பிலிருந்து பாதிக்கப்பட்டவர்களின் தந்தைகள், மற்றும் சகோதரர்களும் குறித்த ஆர்ப்பாட்டத்தில் ஈடுப்பட்டனர்.

முறையற்ற தீர்ப்புகள்

இதன் போது நீதிபதியை விலக்குமாறு கோரியும் புதிய நீதிபதி ஒருவரை நியமிக்குமாறு தெரிவித்தும் பதாதைகளை ஏந்தியவாறும் அமைதியான முறைமுறையில் ஆர்ப்பாட்டத்தில் ஈடுப்பட்டனர்.

புத்தளம் விவசாயத் திணைக்களத்திற்கு முன்பாக ஆரம்பிக்கப்பட்டு பேரணியாக காதி நீதிமன்றம் வரை சென்று மீண்டும் விவசாயத் திணைக்களத்திற்கு முன்பாக சென்றடைந்தது.

குறித்த காதி நீதிபதி இஸ்லாம் மார்கத்திற்கு முறையற்ற தீர்ப்புகளை வழங்குவதாகவும் கணவன் மனைவிக்குள் பிரச்சினை ஏற்பட்டு விவாகரத்து வழங்காமலே ஒரு மாதத்திற்குள்ளே இன்னொரு திருமணம் முடிப்பதற்காக அனுமதி வழங்குவதாகவும் பாதிக்கப்பட்ட பெண்கள் தெரிவிக்கின்றனர்.

அத்துடன் நீதிக்கேட்டு வருகின்ற பெண்களிடம் இரவு நேரங்களில் தொலைப்பேசி மூலம் தொடர்புக் கொண்டு சுகம் விசாரிப்பதாகவும் வழக்குக்கு வரும்பொழுது தனியாக வருமாறு தெரிவிப்பதாகவும் இவர்கள் குற்றம் சாட்டுகின்றனர்.

முடிவு பிழை என்றால் இதுவே நடந்திருக்கும்: இலங்கையில் உள்ள கனடா உயர்ஸ்தானிகரை மீள் அழைக்காத காரணம்

காதி நீதிச்சேவை ஆனணக்குழு

அத்துடன் பாதிக்கப்பட்டவர்களிடமிருந்து அதிகத் தொகைப் பெருவதாகவும், அவரது மின்சாரக் கட்டணங்களை செலுத்துமாறு கோரியும், அவருக்குத் தேவையான பொருட்களை வாங்கித் தருமாறு பலாத்காரமாக கேட்பதாகவும் பாதிக்கப்பட்ட பெண்கள் குற்றம் சுமத்தியுள்ளனர்.

இதனால் இவரைப்பற்றி காதி நீதிச் சேவை ஆணைக்குழு நிறைய உலமா சபை, ஜம்மியத்துல் உலமா பெரியபள்ளி, நாடாளுமன்ற உறுப்பினர்களிடமும் நாங்கள் தகவல்களை அனுப்பி வைத்துள்ளோம் இதுவரைக்கும் எங்களுக்கு எந்தவிதமான தீர்வும் முடிவும் இல்லை. காதி நீதிச்சேவை ஆனணக்குழு ஏன் இதுவரைக்கும் தீர்வு வழங்காமல் இருக்கின்றது.

இதற்கு என்ன காரணம் ஒரு வேளை அவரது குற்றங்களுக்கு இவர்களும் துணைப் போகின்றார்களா என்று எங்களுக்கு சந்தேகம் எழுகின்றது எனவும் பாதிக்கப்பட்ட பெண்கள் தெரிவிக்கின்றனர்.

வெளிநாடொன்றில் பரிதாபமாக உயிரிழந்த இலங்கைப் பெண்

முடிவுக்கு வராத இலங்கைத் தமிழரசு கட்சியின் தலைவர் போட்டி