மலையகத்துக்கான தொடருந்துகளில் வெளிநாட்டவர்களின் ஆபத்தான செயல்கள்

Sri Lanka Tourism Train Strike

By Sivaa Mayuri Dec 07, 2024 06:56 PM GMT

Sivaa Mayuri

in சமூகம்

Report

Courtesy: Sivaa Mayuri

மலையகத்துக்கான பிரதான தொடருந்துகளில் பாதுகாப்பற்ற நடத்தையில் ஈடுபடும் சுற்றுலாப் பயணிகள் சம்பந்தப்பட்ட விபத்துக்களின் எண்ணிக்கை அதிகரித்து வருவதாக தெரிவிக்கப்படுகிறது.

இதன் காரணமாக கடுமையான பாதுகாப்பு நடவடிக்கைகள் மற்றும் அதிக விழிப்புணர்வை ஏற்படுத்தவேண்டும் என்று கோரிக்கை விடுக்கப்பட்டுள்ளது.

குறிப்பாக வெளிநாட்டு சுற்றுலாப் பயணிகள் பெரும்பாலும், தொடருந்து கதவுகளுக்கு வெளியே சாய்ந்து, கைப்பிடிகளைப் பிடித்துக் கொண்டு, அபாயங்களைக் கூட கவனிக்காமல் புகைப்படம் எடுக்கும் செயற்பாடுகளில் ஈடுபட்டு வருவதாக கூறப்படுகிறது.

தொடர்ச்சியான சோக சம்பவங்கள்

சமூக ஊடகங்களில் இந்த செயல்கள் வீரச்செயல்களாக பிரபலம் அடைந்திருந்தாலும், இந்த ஆண்டில் இந்த சம்பவங்களால் தொடர்ச்சியான சோக சம்பவங்கள் நிகழ்ந்துள்ளன.

மலையகத்துக்கான தொடருந்துகளில் வெளிநாட்டவர்களின் ஆபத்தான செயல்கள் | Dangerous Acts Of Foreigners On Trains

மேலும், அண்மையில், ஓஹியா மற்றும் இதல்கசின்ன பகுதிக்கு அருகில் வைத்து, புகைப்பட்ம் எடுக்க முயன்றபோது ஒரு ஈரானிய பெண் ஒரு சுரங்கப்பாதை தாக்கியதில் தலையில் பலத்த காயம் அடைந்த நிலையில், அவர் தற்போது நுவரெலியா பொது வைத்தியசாலையில் அவசர பிரிவில் அனுமதிக்கப்பட்டுள்ளதாக கூறப்படுகிறது.