சிங்கப்பூரில் இருந்து ஷிரந்தி வராவிட்டால் காத்திருக்கும் ஆபத்து! பல குற்றச்செயல்கள் அம்பலம்

மருத்துவ சிகிச்சைக்காக சிங்கப்பூர் சென்றுள்ளதாக அறிவித்துள்ள ஷிரந்தி ராஜபக்ச விரைவில் நாடு திரும்பவில்லையெனில் அதற்குரிய சட்ட நடவடிக்கைகள் மேற்கொள்ளப்படும் என பிரதி அமைச்சர் எரங்க குணசேகர தெரிவித்துள்ளார்.

ஊடகவியலாளர் சந்திப்பொன்றின்போதே அவர் மேற்கண்டவாறு குறிப்பிட்டுள்ளார்.

தொடர்ந்தும் தெரிவிக்கையில், முன்னாள் ஜனாதிபதி மகிந்த ராஜபக்சவின் துணைவியார் ஷிரந்தி ராஜபக்ச விசாரணைகளுக்கு முன்னிலையாகி வாக்குமூலம் வழங்குமாறு அறிவுறுத்தல் வழங்கப்பட்டுள்ளது.

மீண்டும் இலங்கை வரவேண்டும்

இந்தநிலையில்தான், அவர் மருத்து சிகிச்சைகளுக்காக சிங்கப்பூர் சென்றுள்ளதாக அறியக் கிடைத்துள்ளது.

எனவே, ஏனையவர்கள் மருத்துவ சிகிச்சைகளுக்காக வெளிநாடு சென்றுவிட்டு மீண்டும் நாட்டை வந்தடைந்ததைப் போலவே அவரும் இலங்கைக்கு வர வேண்டும்.

அவர் வரவில்லை என்றால், அதற்கு அப்பால் எமது நாட்டின் சட்ட அமுலாக்க நிறுவனங்கள் தங்களுடைய அடுத்தக்கட்ட நடவடிக்கைகளை மேற்கொள்ளும்.

ஷிரந்தி ராஜபக்சவுக்கு எதிராக சுமத்தப்பட்டுள்ள குற்றச்சாட்டுக்கள் ஒன்றும் சாதாரணமானவை அல்ல. அவருக்கு எதிராக பல்வேறு குற்றச்சாட்டுக்கள் உள்ளன.

சீனாவிடம் இருந்து பணம் பெற்றுக்கொண்ட விவகாரம், அந்தப் பணத்தை தனது மகனின் பிறந்தநாளுக்கு பரிசாங்க வழங்கியவை உள்ளிட்ட குற்றச்சாட்டுக்கள் அவர் மீது சுமத்தப்பட்டுள்ளன.

இன்னும் பல விடயங்கள் சட்டத்தின் ஊடாக வெளிப்படுத்தப்பட்டு வருகின்ற நிலையில், அவர்கள் செய்ததாகக் கூறப்படும் பல அரசியல் குற்றங்களும் நீதிமன்றத்தின் ஊடாக வெளிச்சத்திற்கு வரும் என குறிப்பிட்டுள்ளார்.

எயார்பஸ் விமான கொள்வனவு இலஞ்ச விவகாரம்: நாமல் ராஜபக்சவுக்கு பிணை

கொடூரமாக தாக்கப்பட்டு கடத்தப்பட்ட வர்த்தகர் மீட்பு! மருத்துவமனையில் அனுமதி