வட் வரி நிலுவைத் தொகை தொடர்பில் அர்ஜுன் அலோசியஸின் நிறுவனத்திற்கு நீதிமன்றம் பிறப்பித்துள்ள உத்தரவு

அர்ஜுன் அலோசியஸிற்கு சொந்தமான டப்.எம். மெண்டிஸ் நிறுவனம் செலுத்தத் தவறியுள்ள பாரியளவிலான வட் வரி நிலுவைத் தொகையை உடனடியாகச் செலுத்துமாறு கொழும்பு நீதவான் நீதிமன்றம் உத்தரவிட்டுள்ளது.

டப்.எம். மெண்டிஸ் மற்றும் அந்த நிறுவனத்தின் பணிப்பாளர்கள், 5800 மில்லியன் ரூபா பெறுமதிசேர் வரி தொகையை செலுத்தாமல் ஏய்த்ததாகக் கூறப்படுகின்றது. அதற்கு எதிராக கொழும்பு மேலதிக நீதவான் நீதிமன்றத்தில் வழக்குத் தொடரப்பட்டுள்ளது.

விஜயதாஸ ராஜபக்சவின் மகனை கைவிட்ட சட்டத்தரணிகள்! காப்பாற்றப்படுவாரா ரகித ராஜபக்ச..!

நிலுவையில் உள்ள வரித் தொகை

கொழும்பு மேலதிக நீதவான் ஓஷத மிகார மகாராச்சியின் முன்னிலையில் இந்த வழக்கு விசாரணைக்கு எடுத்துக்கொள்ளப்பட்டபோதே, இந்த ​​வழக்கில் பிரதிவாதியாகப் பெயரிடப்பட்டுள்ள, மெண்டிஸ் நிறுவனத்தின் பணிப்பாளர் அர்ஜுன் அலோசியஸ் நீதிமன்றத்தில் முன்னிலையாகியுள்ளார்.

பிரதிவாதி நிறுவனத்தின் பணிப்பாளர்களுக்காக முன்னிலையான சட்டத்தரணி, நிலுவையில் உள்ள வரி தொகையில் ஒரு பகுதி ஏற்கனவே செலுத்தப்பட்டுவிட்டதாக நீதிமன்றத்தில் தெரிவித்துள்ளார்.

பிரதிவாதி நிறுவனத்தின் சொத்துக்கள் பறிமுதல் செய்யப்பட்டுள்ளதாகவும், சம்பந்தப்பட்ட சொத்துக்கள் வங்கிகளால் பறிமுதல் செய்யப்பட்டுள்ளதாகவும், பணம் செலுத்தியதற்கான ஆவணங்களைக் கண்டறிய முடியவில்லை என்றும் அவர் சுட்டிக்காட்டியுள்ளார்.

உள்நாட்டு இறைவரித் திணைக்களம் சார்பில் முன்னிலையான சட்டத்தரணி தினேஷ் பெரேரா, உரிய வரிகள் செலுத்தப்பட்டிருந்தால், அதற்கான ஆவணங்கள் சமர்ப்பிக்கப்பட வேண்டும் என்றும் குறிப்பிட்டுள்ளார். மேலும், உரிய ஆவணங்கள் கிடைக்கவில்லை என்று கூறுவது ஒரு ஏற்றுக் கொள்ள முடியாத விடயம் என்றும் அவர் வாதிட்டார்.

30ஆம் திகதிக்கு ஒத்திவைப்பு

வரிகளைச் செலுத்துவதற்கான காலக்கெடு கடந்துவிட்டதாலும், பெரும் தொகையான வரிகள் ஏய்க்கப்பட்டு நிலுவைத் தொகைகள் நிலுவையில் உள்ளதாலும், பிரதிவாதிக்கு மேலும் நிவாரணம் வழங்குவது சாத்தியமில்லை என்றும் அவர் தொடர்ந்தும் வலியுறுத்தினார்.

முன்வைக்கப்பட்ட வாதங்களைக் கருத்தில் கொண்ட மேலதிக நீதவான், பிரதிவாதி நிறுவனம் வரிகளைச் செலுத்துவதற்கான காலக்கெடுவைத் தாண்டிவிட்டது என்று சுட்டிக்காட்டினார்.

அதன்படி, பிரதிவாதிகள் உரிய வரிகளை உடனடியாகச் செலுத்துமாறு உத்தரவிட்டார். மேலும், அவர்கள் மீண்டும் தாமதமின்றி வரிகளைச் செலுத்துவார்களா இல்லையா என்பது குறித்து அடுத்த வழக்கு விசாரணையின் போது தங்கள் வாதங்களை முன்வைக்குமாறும் உத்தரவிட்டுள்ளார்.

பின்னர், குறித்த வழக்கை செப்டம்பர் 30ஆம் திகதி மீண்டும் விசாரணைக்கு எடுத்துக் கொள்ளுமாறு நீதவான் உத்தரவிட்டுள்ளார்

சற்றுமுன்னர் வீட்டிற்கு கொண்டு வரப்பட்ட இயக்குநர் பாக்யராஜ் உடலம்..! பிற்பகல் நேரில் அஞ்சலி செலுத்தவுள்ள முதலமைச்சர்

சிறையில் நோயால் அவதிப்படும் விஜயதாச ராஜபக்சவின் மகன்..!