லங்காசிறி FM
சபாநாயகர் மற்றும் தனிப்பட்ட செயலாளர் பயன்படுத்தும் அரச இல்லங்கள் தொடர்பில் மீண்டும் சர்ச்சை
சபாநாயகர் ஜகத் விக்ரமரத்ன மற்றும் அவரது தனிப்பட்ட செயலாளர் சமீர கால்லகே ஆகியோர் பயன்படுத்தும் அரச இல்லங்கள் தொடர்பில் தகவல்களை வழங்க அரச அதிகாரிகள் மறுப்பதாக மீண்டும் சர்ச்சை எழுந்துள்ளது.
நவ ஜனதா பெரமுண (புதிய மக்கள் முன்னணி) கொழும்பு மாவட்டத் தலைவரும் மாநகர சபை உறுப்பினருமான தினேஷ் அபேகோன் உள்ளிட்ட குழுவினர், சபாநாயகர் டாக்டர் ஜகத் விக்ரமரத்ன மற்றும் அவரது தனிப்பட்ட செயலாளர் சமீர கல்லகே ஆகியோர் பயன்படுத்தி வருவதாகக் கூறப்படும் உத்தியோகபூர்வ அரசாங்க குடியிருப்புகள் குறித்த தகவல்களைக் கோரி, பொது நிர்வாகம், மாகாண சபைகள் மற்றும் உள்ளூராட்சி அமைச்சிடம் நேற்று (22) மற்றொரு மனுவைச் சமர்ப்பித்துள்ளனர்.
மீண்டும் சர்ச்சை
கடந்த ஆண்டு ஜூலை மாதம் முதல் தகவல் அறியும் உரிமைச் சட்டத்தின் கீழ் இவ்விடயம் குறித்த விவரங்களைக் கோரி அமைச்சுக்கு மூன்று மனுக்கள் சமர்ப்பிக்கப்பட்ட போதிலும், இதுவரை ஒரு மனுவுக்குக் கூட அதிகாரிகள் பதிலளிக்கத் தவறிவிட்டனர் என்று அபேகோன் குற்றம் சாட்டியுள்ளார்.
சபாநாயகர் மற்றும் அவரது தனிப்பட்ட செயலாளர் பயன்படுத்தும் குடியிருப்புகளின் எண்ணிக்கை, அத்துடன் அவர்களுக்கு வழங்கப்படும் எரிபொருள் ஒதுக்கீடுகள் மற்றும் வாகனங்கள் உள்ளிட்ட வசதிகள் குறித்த தகவல்களைக் கோருவதே இந்த மனுக்களின் உள்ளடக்கம் என்று அவர் குறிப்பிட்டுள்ளார்.
அது தொடர்பில் நாடாளுமன்றத்திடமும் தகவல் கோரப்பட்டதாகவும், ஆனால் எந்தப் பதிலும் பெறப்படவில்லை என்றும் அபேகோன் மேலும் கூறினார்.
நாடு முழுவதும் பரவலான பொது சர்ச்சையை ஏற்படுத்திய ஒரு பிரச்சினை குறித்து அதிகாரிகள் தகவல் அளிப்பதைத் தவிர்ப்பது வருந்தத்தக்கது என்று குறிப்பிட்டுள்ள அவர், இவ்விடயம் தொடர்பாக பொது நிர்வாக அமைச்சிடம் தாம் சமர்ப்பிக்கும் இறுதி விண்ணப்பம் இதுவாக இருக்கும் என்றும் குறிப்பிட்டார்.
நான்காவது விண்ணப்பத்திற்குப் பதிலளிக்கும் வகையில், கோரப்பட்ட தகவல்களை சம்பந்தப்பட்ட அதிகாரிகள் வழங்குகிறார்களா என்பதைத் தாம் உன்னிப்பாகக் கவனித்துக் கொண்டிருப்பதாகவும் அவர் தெரிவித்துள்ளார்.
ரிஷப ராசியில் உதயமாகும் புதன் - சுக்கிரன் : இன்று முதல் இந்த ராசிகளுக்கு அதிர்ஷ்ட கதவு திறந்தாச்சி! Manithan
குடியேற்றவாசிகளின் வன்முறை: மேற்கத்திய நாடுகளுடன் சேர்ந்து..அவசர அழைப்பு விடுத்த ஜேர்மனி News Lankasri
3 மற்றும் 5 வயது குழந்தையை காட்டில் கைவிட்ட பிரான்ஸ் பெற்றோர்: போர்ச்சுகல் பொலிஸார் அதிரடி News Lankasri
முத்து தலையில் இடியை இறக்கிய சிந்தாமணி.. அதிர்ச்சியில் அண்ணாமலை குடும்பம்.. சிறகடிக்க ஆசை சீரியலில் அடுத்த வாரம் நடக்கப்போவது இதுதான் Cineulagam
கண்டாவளை, பிரான்ஸ், France, பின்லான்ட், Finland, புளியம்பொக்கணை
21 May, 2021
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
