லங்காசிறி FM
வாக்னர் விவகாரத்தில் அமெரிக்காவின் பங்கு: சி.ஐ.ஏ. திட்டவட்டம்
வாக்னர் வாடகைப்படை அமைப்பினுடைய ரஷ்யாவுடனான அண்மைய முறுகல் நிலைக்கு அமெரிக்காவின் தலையீடு ஏதும் இல்லை என அமெரிக்க உளவுத்துறை செய்தி வெளியிட்டுள்ளது.
அண்மையில் ரஷ்யாவில் வாக்னர் வாடகைப்படை அமைப்பானது ரஷ்ய இராணுவம் மற்றும் ஜனாதிபதி புடினுக்கு எதிராக ஒரு கருத்தை வெளியிட்டிருந்தது.
இந்நிலையில், இந்த விடயம் பெரும் கிளர்ச்சியாக மாறும் என உலகம் எதிர்பார்த்திருந்த நிலையில் ரஷ்ய ஜனாதிபதி புடின் இதற்கான சுமூகமான தீர்வொன்றை எட்டியிருந்தார்.
வாக்னர் வாடகைப்படை அமைப்பின் தலைவர் எவ்செனி பிரிகோசின், தற்போது பெலாரஸ் நாட்டில் தஞ்சம் புகுந்திருக்கிறார்.
அமெரிக்காவின் பங்களிப்பு
தனக்கும், தன் நாட்டிற்கும் எதிரான இக்கலக முயற்சிக்கு காரணம் யார்? என்பதை கண்டறிய புடின், தீவிர நடவடிக்கைகளை மேற்கொண்டு வருகிறார்.
மேலும் அவர், இக்கிளர்ச்சிக்கு மேற்கத்திய நாடுகள் மறைமுக காரணம் என குற்றஞ்சாட்டி வந்தார்.
இதற்கமைய, அமெரிக்காவின் உளவுத்துறை அமைப்பான சி.ஐ.ஏ. நிறுவனத்தின் இயக்குனர் வில்லியம் பேர்ன்ஸ், ரஷ்ய நாட்டின் உளவுத்துறை அமைப்பின் தலைவரான செர்ஜி நரிஷ்கினை அழைத்து அந்நாட்டில் நடந்த அந்த குறுகிய கால கலகத்தில், அமெரிக்காவின் பங்களிப்பு எதுவும் இல்லை என பேசியிருப்பதாக சர்வதேச ஊடகங்கள் செய்தி வெளியிட்டிருந்தன.
இந்நிலையில், ரஷ்யாவில் உள்ள எஸ்.வி.ஆர்., வெளிநாட்டு புலனாய்வு அமைப்பினுடைய (SVR Foreign Intelligence Services) தலைவரான நரிஷ்கினுக்கும், சி.ஐ.ஏ.வின் இயக்குனருக்கும் இடையேயான தொலைபேசி உரையாடல், இந்த வாரம் இடம்பெற்றிருந்தது.
ஆயுதமேந்திய கிளர்ச்சி
ரஷ்யாவின் வாக்னர் கலக முயற்சிக்கு பின்னர், இரு அரசாங்கங்களுக்கிடையே நடைபெறும் உயர்மட்ட தொடர்பு இது என்று சர்வதேச ஊடகங்கள் செய்தி வெளியிட்டிருந்தன.
ரஷ்யாவின் வாக்னர் வாடகைப்படை குழுவின் தலைவரான எவ்செனி பிரிகோசின், கடந்த வார ஆயுதமேந்திய கிளர்ச்சிக்கு தலைமை தாங்கி உலகையே அதிர்ச்சிக்குள்ளாக்கினார்.
அவருடைய போராளிகள் மொஸ்கோவை நெருங்கியபோது திடீரென குறித்த கிளர்ச்சியை நிறுத்தினார்.
இந்நிலையில், ரஷியாவிற்கு எதிரான வாக்னர் கூலிப்படையினரின் கலகம், அங்கு நடைபெற்ற உள்நாட்டு போராட்டத்தின் ஒரு பகுதி என்றும், அமெரிக்காவும், அதன் நட்பு நாடுகளும் அதில் ஈடுபடவில்லை என்றும் அமெரிக்க ஜனாதிபதி ஜோ பைடன் சில தினங்களுக்கு முன் கூறியிருந்தது குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
சுழிபுரம் மேற்கு, London, United Kingdom
21 Apr, 2024
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
அளவெட்டி, London, United Kingdom, Wales, United Kingdom
19 Apr, 2023
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
