அமெரிக்க சந்தையை உலுக்கிய சீனாவின் அதிரடி முடிவு

அமெரிக்க ஜனாதிபதி டொனால்ட் ட்ரம்ப் (Donald Trump) கடந்த ஏப்ரல் 2ஆம் திகதி இந்தியா, சீனா உள்ளிட்ட பல்வேறு உலக நாடுகளுக்கு பரஸ்பர வரிவிதிப்பை அறிவித்தார்.

இதற்கு மற்ற நாடுகள் பணிந்த நிலையில் சீனா தொடர்ந்து பதிலடி கொடுத்து வருகிறது.

எனினும், இரு நாடுகளும் மாற்றி மாற்றி வரியை உயர்த்தி வருகின்றன.

சீன பொருட்கள் மீது அமெரிக்கா 145 சதவீத வரியும், அமெரிக்க பொருட்கள் மீது சீனா 125 சதவீத வரியும் விதிப்பதாக அறிவித்தன.

வரலாறு காணாத விலை உயர்வை அடைந்த தங்கம்! அதிர்ச்சியளிக்கும் மாற்றம்

பல நிறுவனங்களின் உற்பத்தி தடைப்படும் 

இந்நிலையில் அமெரிக்காவுக்கு கனிமங்கள், உலோகம், காந்தம் உள்ளிட்டவற்றின் ஏற்றுமதியைச் சீனா அதிரடியாக நிறுத்தி உள்ளதாக வெளிநாட்டு ஊடகங்கள் செய்தி வெளியிட்டுள்ளன.

இதனால் அமெரிக்காவின் ஆயுத உற்பத்தியாளர்கள், வாகன உற்பத்தியாளர்கள், விண்வெளி சார் பொருட்கள் உற்பத்தியாளர்கள் மற்றும் பிற நுகர்வோர் பயன்பாட்டுக்கான பொருட்களை தயாரிக்க தேவையான மூலக் கூறுகள் முற்றிலும் தடைப்படும் அபாயம் ஏற்பட்டுள்ளது.

ஏற்கனவே கார்கள் முதல் ஏவுகணைகள் வரை தயாரிக்க தேவையான காந்தங்கள் மற்றும் மூலக்கூறுகளின் ஏற்றுமதி சீன துறைமுகங்களில் தற்காலிகமாக நிறுத்தி வைக்கப்பட்டுள்ளது என நியூ யார்க் டைம்ஸ் இதழ் தெரிவித்துள்ளது. 

சீனா வகுத்து வரும் புதிய நெறிமுறைகள் நடைமுறைக்கு வந்தால் அமெரிக்காவின் இராணுவ ஒப்பந்தக்காரர்கள் உற்பத்தி உட்பட பல நிறுவனங்களின் உற்பத்தி தடைப்படும் என்று கூறப்படுகிறது.

அமெரிக்காவில் ஒரே ஒரு அரிய சுரங்கம் மட்டுமே..

பாதுகாப்பு, மின்சார வாகனம், எரிசக்தி மற்றும் மின்னணுவியல் துறைகளில் பயன்படுத்தப்படும் 17 கனிமங்களின் சுமார் 90 சதவீதத்தை சீனா உற்பத்தி செய்கிறது.

சமேரியம், கடோலினியம், டெர்பியம், டிஸ்ப்ரோசியம், லுடீடியம், ஸ்காண்டியம் மற்றும் யட்ரியம் ஆகியவை உட்பட ஏழு வகை நடுத்தர மற்றும் கனரக அரிய மண் தாதுக்கள் ஏற்றுமதியை கட்டுப்படுத்த சீனா முடிவு செய்துள்ளதாக கூறப்படுகிறது.

எனினும், அமெரிக்காவில் ஒரே ஒரு அரிய சுரங்கம் மட்டுமே உள்ளது. அதன் பெரும்பாலான விநியோகம் சீனாவிலிருந்து வருகிறது.

எனவே சீனாவின் இந்த புதிய கட்டுப்பாடுகள் அமெரிக்க உற்பத்தியைப் பெருமளவில் பாதிக்கும் என்று எதிர்பார்க்கப்படுகிறது. 

அமெரிக்காவுக்கு சீன அதிகாரிகள் அழைப்பு

பிஜி தீவில் சக்திவாய்ந்த நிலநடுக்கம்