செம்மணி மனிதப் புதைகுழியில் இன்றுடன் 412 மனித எலும்பு எச்சங்கள் மீட்பு

Jaffna Northern Province of Sri Lanka chemmani mass graves jaffna

By Theepan Jun 22, 2026 02:05 PM GMT

Theepan

in சமூகம்

Report

செம்மணி சிந்துபாத்தி மனித புதைகுழி அகழ்வு பணிகள் இன்றைய தினம்(22.06.2026) 31ஆவது நாளாக யாழ்ப்பாண நீதிவான் நீதிமன்ற நீதவான் எஸ்.லெனின்குமார் முன்னிலையில் நடைபெற்றது.

இன்றுடன் 412 மனித என்புத் தொகுதிகள் அடையாளம் காணப்பட்டுள்ளன.

அவற்றுள் 390 எலும்பு எச்சங்கள் துப்புரவாக்கப்பட்டு அடையாளம் இடப்பட்டு அகழ்ந்தெடுக்கப்பட்டு நீதிமன்றத்தின் கட்டுக்காவலில் ஒப்படைக்கப்பட்டுள்ளது.

ஒரே நேரில் புதைக்கப்பட்டவாறு

இன்றையதினம் 07 என்புக்கூடுகள் அடையாளம் காணப்பட்டுள்ளதாக சட்டத்தரணி வி.நிரஞ்சன் தெரிவித்தார்.

செம்மணி மனிதப் புதைகுழியில் இன்றுடன் 412 மனித எலும்பு எச்சங்கள் மீட்பு | Chemmani 412 Human Skeletal Remains

இவற்றில் 03 என்புகள் ஒரே நேரில் புதைக்கப்பட்டவாறு காணப்பட்டுள்ளது.

மேலும் 09 என்புத் தொகுதிகள் நேர் சீரின்றி புதைக்கப்பட்டுள்ளது.

யாழ்ப்பாண பல்கலைக்கழக மாணவர்களின் உதவியுடன் அகழ்வுப்பணி மேலும் விஸ்தரிக்கப்பட்டுள்ளது.

அகழ்வின்போது தொல்லியல் பேராசிரியர் ராஜ்சோமதேவா தலைமையிலான குழுவினர், சட்ட வைத்திய அதிகாரி செல்லையா பிரணவன், குற்றப் புலனாய்வுத் திணைக்கள அதிகாரிகள், சட்டத்தரணிகள், துறை சார் நிபுணர்கள் பங்கேற்றனர்.