சந்திரிக்காவால் மைத்திரிக்கு ஏற்பட்ட பெரும் சிக்கல் : பதவி பறிபோகும் அபாயம்

முன்னாள் ஜனாதிபதி சந்திரிகா குமாரதுங்க(Chanrika Bandaranayake Kumarathuge)  நீதிமன்றம் சென்று என்னை கட்சியின் தலைவர் பதவியில் இருந்து நீக்கி இருக்கிறார். எதிர்வரும் 18ஆம் திகதி வரை நீதிமன்றம் இடைக்கால தடையை விதித்திருக்கிறது. இந்த சவால்கள் அனைத்துக்கும் நாங்கள் முகம்கொடுப்போம்  என முன்னாள் ஜனாதிபதி மைத்திரிபால சிறிசேன(Maithripala Sirisena) தெரிவித்துள்ளார்.

கடுவளை பகுதியில் இடம்பெற்ற நிகழ்வொன்றில் கலந்து கொண்டு  கருத்துத் தெரிவிக்கும் போதே அவர் மேற்கண்டவாறு குறிப்பிட்டார்.

கர்ப்பிணி தாய்மாருக்கு வழங்கப்படவுள்ள விசேட கொடுப்பனவு : அரசாங்கம் எடுத்துள்ள நடவடிக்கை

சவாலுக்கு நாங்கள் முகம்கொடுப்போம்

தொடர்ந்தும் தெரிவிக்கையில்,

ஸ்ரீலங்கா சுதந்திர கட்சி வரலாற்றில் பல தடவைகள் பல்வேறு நெருக்கடிகளை எதிர்கொண்டிருந்தது. அப்போது எமக்கு ஏற்பட்ட சவால்களை முறியடித்துக்கொண்டு கட்சியை முன்னுக்கு கொண்டு செல்ல நாங்கள் நடவடிக்கை எடுத்திருக்கிறோம்.

அதேபோன்று தற்போதும் கட்சிக்கு எதிராக பல்வேறு சவால்கள், எதிரான நடவடிக்கைகள் ஏற்படுத்தப்பட்டிருக்கின்றன. இந்த சவால்களை வெற்றிகொள்ள நாங்கள் நடவடிக்கை எடுப்போம்.

குறிப்பாக கட்சியின் செயலாளர் என்னை அடிப்படையாகக்கொண்டு வழக்கு தொடுத்திருக்கிறார்.  அதேபோன்று முன்னாள் ஜனாதிபதி சந்திரிகா குமாரதுங்க நீதிமன்றம் சென்று என்னை கட்சியின் தலைவர் பதவியில் இருந்து நீக்கி இருக்கிறார்.

எதிர்வரும் 18ஆம் திகதி வரை நீதிமன்றம் இடைக்கால தடையை விதித்திருக்கிறது. இந்த சவால்கள் அனைத்துக்கும் நாங்கள முகம்கொடுப்போம். எமது நியாயத்தன்மையை நீதிமன்றில் சமர்ப்பிப்போம். நீதிமன்றம் பக்கச் சார்பற்ற தீர்ப்பொன்றை வழங்கும் என நாங்கள் நம்புகிறோம். அதன் பிரகாரம் இந்த பிரச்சினைகளை தீர்த்துக்கொண்டு, எம்முடன் கூட்டணி அமைக்க ஒன்றுபட்டுள்ள அனைவரையும் ஒன்றிணைத்துக்கொண்டு நாங்கள் எதிர்வரும் தேர்தலில் பலம்மிக்க கட்சியாக முன்வருவோம்.

ஸ்ரீலங்கா சுதந்திர கட்சி வரலாறு பூராகவும் விழுந்து விழுந்து மீள எழும்பிய கட்சியாகும். அதனால் யார் என்ன சொன்னாலும் எங்களுக்கு எவவாறான நெருக்கடிகளை ஏற்படுத்தினாலும் நாங்கள் ஒருபோதும் பின்வாங்கப்போவதில்லை. நாங்கள் தொடர்ந்தும் முன்னுக்கு செல்வோம் என குறிப்பிட்டுள்ளார். 

அரச ஊழியர்களுள் ஒரு சாராருக்கு அதிகரிக்கப்பட்டுள்ள கொடுப்பனவு

பொருட்களின் விலை மிக அதிகம்! தான் அறிந்ததை வெளிப்படுத்தும் துமிந்த