அநுர அரசின் தலைமையில் தீவிரமாக முன்னெடுக்கப்படும் ஈஸ்டர் விசாரணைகள்.. பின்னணியில் நடக்கும் சதி!

2019 ஈஸ்டர் ஞாயிறு பயங்கரவாதத் தாக்குதல்கள் தொடர்பான விசாரணைகள் தற்போதைய அரசாங்கத்தின் கீழ் முன்னேறி வருவதாக கொழும்பு பேராயர், கர்தினால் மல்கம் ரஞ்சித் தெரிவித்தார்.

தாக்குதல்கள் நடந்து ஏழாம் ஆண்டு நிறைவை முன்னிட்டு இன்று காலை நடைபெற்ற சிறப்புத் திருப்பலியில் உரையாற்றிய பேராயர், சில தரப்பினர் விசாரணைகளுக்குத் தடை ஏற்படுத்த முயற்சிப்பதாகக் குறிப்பிட்டார்.

தாக்குதல்கள் தொடர்பாகத் தங்கள் கடமைகளைச் செய்யத் தவறிய ஜனாதிபதிகள், பாதுகாப்பு அமைச்சக அதிகாரிகள் மற்றும் பொலிஸார் உள்ளிட்ட அதிகாரிகளுக்கு எதிராக நடவடிக்கைகளைத் தொடங்குமாறு ஜனாதிபதி ஆணைக்குழு உத்தரவிட்டிருந்த போதிலும், சட்டமா அதிபரும் அவரது திணைக்களமும் நடவடிக்கை எடுப்பதில் தாமதம் செய்வதாக அவர் வருத்தம் தெரிவித்தார்.

மக்கள் எதிர்ப்பில் வீழ்ந்தது அநுர அரசாங்கம்! வலுசக்தி ஊழல் குறித்து சஜித்தின் முன்மொழிவு

ஜனாதிபதியிடம் கோரிக்கை 

தாக்குதல்களில் நேரடியாகவோ அல்லது மறைமுகமாகவோ சம்பந்தப்பட்ட நபர்களை, அவர்களின் தகுதியைப் பொருட்படுத்தாமல், குற்றப் புலனாய்வுத் திணைக்களம் விசாரிப்பது அவசியம் என்று கர்தினால் மல்கம் ரஞ்சித் மேலும் கூறினார்.

"ஈஸ்டர் தாக்குதல்களின் சூத்திரதாரியைக் கண்டுபிடிப்பது, நீதியை உறுதி செய்வதும், பாதிக்கப்பட்டவர்கள் மற்றும் அவர்களது குடும்பத்தினரின் அடிப்படை உரிமைகளை நிலைநிறுத்துவதும் ஆகும்" என்று அவர் கூறினார்.

2024 ஒக்டோபரில் கட்டுவபிட்டிய தேவாலயத்தில், காலப்போக்கில் உண்மை மங்கிவிட அரசாங்கம் அனுமதிக்காது என்று ஜனாதிபதி அனுர குமார திசாநாயக்க அளித்த வாக்குறுதியை நிறைவேற்றுமாறும் அவர் கேட்டுக்கொண்டார்.

2019 ஈஸ்டர் தாக்குதல்களுக்குப் பின்னணியில் உள்ள உண்மையை வெளிக்கொணர, ஒரு விரிவான, உண்மை அடிப்படையிலான விசாரணையை நடத்துமாறு அவர் ஜனாதிபதியை வலியுறுத்தினார்.

மேலும், தற்போதைய முயற்சிகள் தொடரும் என்று தாங்கள் நம்புவதாகவும் அவர் கூறினார். உண்மை வெளிப்படும் வரை நீதிக்கான தங்களின் போராட்டம் ஓயாது என்று கர்தினால் மல்கம் ரஞ்சித் வலியுறுத்தினார்.

முன்னாள் இராஜாங்க அமைச்சர் பிரேமலால் ஜயசேகர கைது

இலங்கையின் முக்கிய வங்கியில் பாரிய உள்மோசடி! பொதுமக்களுக்கு இலங்கை மத்திய வங்கியின் அறிவுறுத்தல்