லங்காசிறி FM
இரவு வேளையில் முன்னாள் அமைச்சரின் வீட்டை சுற்றிவளைத்த பொலிஸார் - தப்பியோடிய பிரதான நபர்
புதிய இணைப்பு
முன்னாள் நீதி அமைச்சர் விஜயதாச ராஜபக்சவின் மகனான ரகித ராஜபக்சவுக்குச் சொந்தமான பல வங்கிக் கணக்குகளை முடக்குவதற்கு இலஞ்சம் அல்லது ஊழல் புலனாய்வு ஆணைக்குழு நடவடிக்கை எடுத்துள்ளது.
குற்றச்செயல் மூலம் பெறப்பட்ட சொத்துக்கள் மீதான சட்டத்தின் விதிகளுக்கு இணங்க இந்த நடவடிக்கை எடுக்கப்பட்டுள்ளதாகத் தெரிவிக்கப்படுகின்றது.
இதனைத் தொடர்ந்து நடைபெற்று வரும் ஒரு விசாரணையின் தொடர்பில் இந்த நடவடிக்கை எடுக்கப்பட்டுள்ளது.
விசாரணையின் ஒரு பகுதியாக, சம்பந்தப்பட்ட வங்கிக் கணக்குகளை முடக்குவதற்கான உத்தியோகபூர்வ அறிவிப்புக் கடிதத்தை வழங்குவதற்காக, இலஞ்ச ஆணைக்குழுவின் அதிகாரிகள் குழு ஒன்று நாவலாவில் உள்ள ரகித ராஜபக்சவின் இல்லத்திற்குச் சென்றுள்ளது.
இருப்பினும், சம்பந்தப்பட்ட அறிவிப்பை வழங்க இலஞ்ச ஆணைக்குழுவின் அதிகாரிகள் சென்றபோது ரகித ராஜபக்ச வீட்டில் இல்லை என்று இலஞ்ச ஆணைக்குழு மேலும் தெரிவித்துள்ளது.
முதலாம் இணைப்பு
முன்னாள் நீதி அமைச்சர் விஜேதாச ராஜபக்சவின் மகன் ரகித்த ராஜபக்சவின் வீட்டிற்கு இலஞ்ச ஊழல் விசாரணை ஆணைக்குழுவின் அதிகாரிகள் குழுவொன்று திடீர் சுற்றிவளைப்பை மேற்கொண்டுள்ளனர்.
நேற்று இரவு அதிகாரிகள் அங்கு சென்றுள்ளதாக தெரிவிக்கப்படுகிறது.
ரகித்த ராஜபக்சவின் சொத்துக்கள் தொடர்பான விசாரணைக்காகவே இந்த அதிகாரிகள் குழு இராஜகிரிய பகுதியில் உள்ள அடுக்குமாடி குடியிருப்பு வளாகத்தில் அமைந்துள்ள அவரது வீட்டிற்குச் சென்றுள்ளது.
தப்பியோடிய பிரதான நபர்
எனினும், அந்த நேரத்தில் ரகித்த ராஜபக்ச மற்றும் அவரது சாரதி ஆகிய இருவருமே தங்களது கைத்தொலைபேசிகளை இயங்காத நிலையில் வைத்துள்ளனர். அத்துடன் அவர்கள் வீட்டிலிருந்து தப்பியோடியதாகவும் தெரிவிக்கப்படுகிறது.
ரகித்தவின் தந்தையான விஜேதாச ராஜபக்சவும் அந்த நேரத்தில் தனது மகனைத் தேடுவதற்காக அவரது நண்பர்களுக்கு தொலைபேசி அழைப்புகளை மேற்கொள்ள முயற்சித்துள்ளனர். எனினும் அது பலனளிக்கவில்லை என தகவல்கள் தெரிவிக்கின்றன.
பாதாள உலகக் குழுத் தலைவரிடமிருந்து 12 கோடி ரூபாய் இலஞ்சம் பெற்ற சம்பவம் தொடர்பில் 2025ஆம் ஆண்டு ஜூன் மாதம் 25ஆம் திகதியன்று கைது செய்யப்பட்டு, ஒரு மாத காலம் விளக்கமறியலில் வைக்கப்பட்டிருந்த ரகித்த ராஜபக்ச பிணையில் விடுவிக்கப்பட்டுள்ளார் என்பது குறிப்பிடத்தக்கது.
you may like this video
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
