லங்காசிறி FM
ஐரோப்பாவில் ஊடக நிறுவனங்களுக்கு வெடிகுண்டு மிரட்டல்
ஐரோப்பிய நாடுகளில் தொடர்ச்சியாக விடுக்கப்படும் போலியான வெடிகுண்டு மிரட்டல்களால் விமானப் போக்குவரத்து பாதிக்கப்பட்டுள்ள நிலையில், தற்போது பல ஊடக நிறுவனங்களுக்கும் மிரட்டல்கள் விடுக்கப்பட்டுள்ளன.
பிரிட்டனின் Sky News, பல்கேரியாவின் Nova TV மற்றும் அயர்லாந்தின் RTÉ உள்ளிட்ட ஊடக நிறுவனங்களுக்கு இன்று(06.11.2026) மின்னஞ்சல் மூலம் வெடிகுண்டு மிரட்டல்கள் அனுப்பப்பட்டுள்ளன.
டப்ளினில் உள்ள RTÉ அலுவலகத்தில் பணியாற்றிய ஊழியர்கள் மற்றும் வானொலி, தொலைக்காட்சி நிகழ்ச்சி தொகுப்பாளர்கள் பாதுகாப்பு காரணமாக தற்காலிகமாக வெளியேற்றப்பட்டனர்.
வெடிகுண்டு மிரட்டல்கள்
பிராக், கோபன்ஹேகன் மற்றும் பிரான்ஸ் உள்ளிட்ட பல்வேறு பகுதிகளில் விமானங்களுக்கு வெடிகுண்டு மிரட்டல்கள் விடுக்கப்பட்டன. சில விமானங்கள் போர் விமானங்களின் பாதுகாப்புடன் பயணித்தன.
கடந்த வியாழக்கிழமை மட்டும் ஐரோப்பா முழுவதும் 24-க்கும் மேற்பட்ட விமானங்கள் மிரட்டல்களால் பாதிக்கப்பட்டன. சில விமானங்கள் அவசரமாக வேறு விமான நிலையங்களில் தரையிறக்கப்பட்டன.
விமானப் போக்குவரத்தையும் ஊடக நிறுவனங்களையும் குறிவைத்து மிரட்டல்கள் விடுக்கப்படுவது ஒருங்கிணைக்கப்பட்ட சீர்குலைப்பு நடவடிக்கையாக இருக்கலாம் என அயர்லாந்து அரசு சந்தேகம் வெளியிட்டுள்ளது.
பாதுகாப்பு நடவடிக்கை
இதற்கிடையில், ஹங்கேரிய வான்வெளியில் பயணித்த சில விமானங்களுக்கு போர் விமானங்கள் பாதுகாப்பு வழங்கியுள்ளன.
NATO அமைப்பும் ஹங்கேரி – ருமேனியா எல்லைப் பகுதியில் வான்வழிக் கண்காணிப்பை மேற்கொள்ள உத்தரவிட்டுள்ளது.
இதுவரை இந்த மிரட்டல்களில் எதுவும் உண்மையான வெடிகுண்டு அச்சுறுத்தலாக உறுதிப்படுத்தப்படவில்லை. எனினும், ஐரோப்பிய நாடுகள் பாதுகாப்பு நடவடிக்கைகளைத் தீவிரப்படுத்தியுள்ளன.
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
