லங்காசிறி FM
இந்திய கடற்றொழிலாளர்களுக்கு கடற்றொழில் அனுமதிச்சீட்டு இரத்து
எல்லை தாண்டி இலங்கை கடற்பரப்பிற்குள் செல்லும் தமிழக கடற்றொழிலாளர்களை கண்டித்து இலங்கை இந்திய சர்வதேச கடல் எல்லையில் இலங்கை கடற்றொழிலாளர்கள் கறுப்பு கொடியுடன் முற்றுகை போராட்டத்தில் ஈடுபடுவதால் பாதுகாப்பு கருதி இராமநாதபுரம் கடற்றொழிலாளர்களுக்கு கடற்றொழில் அனுமதிச் சீட்டு இரத்து செய்யப்பட்டுள்ளதாக தெரிவிக்கப்படுகிறது.
சமீபகாலமாக அத்துமீறி இலங்கை கடற்பரப்புக்குள் நுழைந்து கடற்றொழிலில் ஈடுபடுவதால் இலங்கை கடற்றொழிலாளர்களின் கடல் வளம் பாதிக்கப்படுவதுடன், பல ஆயிரம் ரூபாய் மதிப்பிலான உடைமைகள் சேதமடைவதால் இலங்கை வடக்கு பகுதி கடற்றொழிலாளர்கள் போராட்டத்தில் ஈடுபட்டு வருகின்றனர்.
விசைப்படகுகள்
இந்நிலையில் இலங்கை கடற்பரப்பிற்குள் அத்துமீறி வரும் தமிழக கடற்றொழிலாளர்களின் படகுகளை உடனடியாக கைது செய்ய வலியுறுத்தியும், தமிழக கடற்றொழிலாளர்கள் எல்லை தாண்டி வருவதை கண்டித்தும் இன்று யாழ்ப்பாணம் மாவட்டத்தின் கிராமங்களில் இருந்து நூற்றுக்கும் மேற்பட்ட படகுகளில் கடற்றொழிலாளர்கள் போராட்டத்தில் ஈடுபட்டுள்ளனர்.
இதனையடுத்து, இராமநாதபுரம் மாவட்டம் மீன்வளத்துறை அதிகாரிகள் பாதுகாப்பு நலன் கருதி இன்று ஒரு நாள் மண்டபம் மற்றும் பாம்பன் தெற்கு கடற்றொழில் துறைமுகங்களில் இருந்து செல்லும் விசைப்படகுகளுக்கு கடற்றொழில் அனுமதிச்சீட்டை இரத்து செய்துள்ளனர்.
மேலும், கடலில் தொழிலில் ஈடுபட்டுக்கொண்டிருக்கும் இராமநாதபுரம் மாவட்டம் கடற்றொழிலாளர்களை உடனடியாக கரை திரும்ப அறிவுறுத்தியுள்ளனர்.
வேலை இழப்பு
கடலுக்குச் செல்ல அனுமதி வழங்காததால் பாம்பன் மற்றும் மண்டபம் மீன்பிடி துறைமுகங்களில் சுமார் 500இற்கும் மேற்பட்ட மீன்பிடி படகுகள் நங்கூரமிட்டு நிறுத்தப்பட்டுள்ளதுடன் சுமார் 5,000இற்கு மேற்பட்ட கடற்றொழிலாளர்கள் வேலை இழந்துள்ளதாக தெரிவிக்கப்படுகிறது.
எனினும், இலங்கை இந்திய கடற்றொழிலாளர் இடையே தொடர்ந்து ஏற்பட்டு வரும் பிரச்சனைக்கு நிரந்த தீர்வு காண இலங்கை இந்திய கடற்றொழிலாளர் இடையே உடனடியாக பேச்சுவார்த்தை நடத்த வேண்டும் என தமிழக கடற்றொழிலாளர்கள் தரப்பில் கோரிக்கை முன்வைத்துள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அழிவின் பாதையில் செல்லும் தமிழரசு கட்சி..! 2 நாட்கள் முன்
கொய்யாத்தோட்டம், யாழ்ப்பாணம், வவுனியா
01 Feb, 2015
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
