லங்காசிறி FM
சுவிட்சர்லாந்தில் பூப்பந்தாட்டத்தில் சிறப்பான ஆட்டத்தை வெளிப்படுத்தும் தமிழ் வீராங்கனை
சுவிஸ் நாட்டின் தேசிய போட்டிகள் மற்றும் ஐரோப்பிய ரீதியிலான பூப்பந்தாட்ட போட்டிகளில் பங்குபற்றி சுவிஸ் நாட்டு மலேசிய தமிழ் வீராங்கனை கிருஷ்ணவேணி தனது சிறப்பாக ஆட்டத்தை வெளிப்படுத்தியுள்ளார்.
2012 ஆம் ஆண்டு முதல் சுவிஸின் தேசிய ( Swiss senior championship, category 45-55) போட்டிகளில் ஒவ்வொரு வருடமும் கலந்து கொண்டு இரண்டு பதக்கங்களையாவது பெற்று தொடர்ச்சியாக இவர் வெற்றிகளை குவித்து வருகின்றார்.
இதேவேளை, சுவிஸ் நாட்டிற்காக 45 - 55 வயதிற்குட்பட்டோர் பிரிவில் இவ்வருடம் France இல் நடைபெற்ற Nation cup போட்டியில் சுவிஸ் அணி சார்பாக பங்குபற்றி தனது சிறப்பான ஆட்டத்தினை வெளிப்படுத்தி பாராட்டுக்களை பெற்றுள்ளார்.
போட்டி விபரங்கள்
இந்த போட்டியில் ஆறாவது இடத்தினை சுவிஸ் அணியினர் பெற்றுள்ளதுடன் பல ஐரோப்பிய போட்டிகளிலும் பங்கு பற்றியுள்ளார்.
கடந்த வருடம் ஸ்பெயின் நாட்டில் நடைபெற்ற World Championship போட்டியில் இவரது வயதுப் பிரிவில் பங்கு பற்றி காலிறுதி ஆட்டம் வரை (quarter finalist) முன்னேறியிருந்தமையும் குறிப்பிடத்தக்கது.
இதேவேளை, அடுத்தவாரம் Slovenia நாட்டில் நடைபெறவுள்ள European championship போட்டியிலும் சுவிஸ் நாடு சார்பாக இவர் பங்கு கொள்கின்றார்.
அத்துடன் 2023 ஆண்டில் கொறியாவில் நடைபெறவுள்ள World Championship போட்டியிலும் பங்கு பெறுவதற்கு தயாராகி வருகின்றார்.
இவரது வெற்றிகளும், சாதனைகளும் தொடர்ந்திட உலகத்தமிழர் பூப்பந்தாட்ட பேரவை குடும்பம் வாழ்த்துக்களையும் தெரிவித்துள்ளது.
