மகிந்த மற்றும் பசிலுக்கெதிரான வெளிநாட்டுப் பயணத்தடை நீக்கம்

Basil Rajapaksa Mahinda Rajapaksa Government Of Sri Lanka

By Rakesh Mar 22, 2023 05:31 PM GMT

Rakesh

in சமூகம்

Report

முன்னாள் ஜனாதிபதி மகிந்த ராஜபக்ச மற்றும் முன்னாள் நிதி அமைச்சர் பசில் ராஜபக்ச ஆகியோருக்கு எதிராக விதிக்கப்பட்ட வெளிநாட்டுப் பயணத் தடை இனி நடைமுறையில் இல்லை என்று உயர் நீதிமன்றம் இன்று (22.03.2023) உத்தரவிட்டுள்ளது.

தற்போதைய பொருளாதார நெருக்கடிக்குக் காரணமானவர்கள் தொடர்பில் விசாரணை நடத்த உத்தரவிடுமாறு கோரி தாக்கல் செய்யப்பட்ட அடிப்படை உரிமை மனு இன்று விசாரணைக்கு எடுத்துக்கொள்ளப்பட்ட போதே, பிரதம நீதியரசர் ஜயந்த ஜயசூரிய தலைமையிலான ஐவரடங்கிய உயர் நீதிமன்ற நீதியரசர்கள் ஆயம் இந்த உத்தரவைப் பிறப்பித்துள்ளது.

சேவை பெறுநர்களுக்குரிய பயணத்தடை நீடிக்கப்படவில்லை

மனுவில் பிரதிவாதிகளாகக் குறிப்பிடப்பட்டுள்ள மகிந்த ராஜபக்ச மற்றும் பசில் ராஜபக்ச ஆகியோர் சார்பில் முன்னிலையான ஜனாதிபதி சட்டத்தரணி நவீன் மாரப்பன, நீதிமன்றில் முன்னிலையாகி சமர்ப்பணங்களை முன்வைத்தார்.

மகிந்த மற்றும் பசிலுக்கெதிரான வெளிநாட்டுப் பயணத்தடை நீக்கம் | Basil Mahinda Foreign Travel Ban Removal

கடந்த அக்டோபர் 7ஆம் திகதிக்குப் பின்னர் தமது சேவை பெறுநர்களுக்கு வழங்கப்பட்ட வெளிநாட்டுப் பயணத் தடை உத்தரவை உயர் நீதிமன்றம் நீடிக்கவில்லை என்று சுட்டிக்காட்டினார்.

இதைக் குடிவரவு மற்றும் குடியகல்வுக் கட்டுப்பாட்டாளருக்கு அறிவித்து உத்தரவு பிறப்பிக்குமாறு ஜனாதிபதி சட்டத்தரணி நீதிமன்றில் கோரிக்கை விடுத்தார்.

இந்தக் கோரிக்கையை ஏற்றுக்கொண்ட உயர் நீதிமன்றம், பிரதிவாதிகள் இருவருக்கும் விதிக்கப்பட்ட வெளிநாட்டுப் பயணத் தடை இனி நடைமுறையில் இல்லை என்பதைக் குடிவரவு மற்றும் குடியகல்வுக் கட்டுப்பாட்டாளருக்குத் தெரிவிக்குமாறு உயர் நீதிமன்றப் பதிவாளருக்கு உத்தரவிட்டுள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை