தனிநபர்களினால் வங்கி கணக்குகளில் குவிக்கப்படும் பணம்! கட்டாயமாக்கப்பட்டுள்ள முக்கிய ஆவணம்
அஸ்வெசும உதவி திட்டங்களை பெறுவதற்கு வங்கிகள் மற்றும் நிதி நிறுவனங்களில் ஒருவரின் பெயரில் உள்ள நிதிகளை அறிவிக்கும் பிரமாண பத்திரம் (Affidavit) சமர்ப்பிப்பது கட்டாயமாக்கப்பட்டுள்ளது.
அஸ்வெசும பயனாளிகள் தொடர்பாக கிராம அலுவலர்கள் நடத்திய ஆய்வுகளின் போது, சில தனிநபர்கள் தங்களது நிதி சொத்து விபரங்களை சமர்ப்பிக்க தவறியதால் இந்த நடவடிக்கை எடுக்கப்பட்டுள்ளது.
அஸ்வெசும தொடர்பாக மேல்முறையீடு
அதன்படி, தற்போதைய பயனாளிகள், புதிய விண்ணப்பதாரர்கள் மற்றும் அஸ்வெசும தொடர்பாக மேல்முறையீடு செய்தவர்கள் அனைவரும் இந்த பிரமாண பத்திரங்களை சமர்ப்பிக்க வேண்டும் என்று அஸ்வெசும நலன்புரி நன்மைகள் சபை தலைவர் குறிப்பிட்டுள்ளார்.
மேலும், சில தனிநபர்கள் வட்டிக்கு கடன் கொடுப்பது போன்ற வெளியிடப்படாத வருமான வழிகள் மூலம் பணம் சம்பாதித்து, வெளிப்படுத்தப்படாத நிதிகளை குவிப்பதற்காக சில வங்கி கணக்குகளை பராமரிப்பது குறித்த அறிக்கைகள் வெளிவந்துள்ளதாகவும் அவர் கூறியுள்ளார்.
அத்தகைய மறைக்கப்பட்ட நிதிகள் குறித்து ஏதேனும் ஆட்சேபனை எழுப்பப்பட்டாலோ அல்லது தகவல் வெளிப்பட்டாலோ, விண்ணப்பதாரர்கள் தங்களது வங்கிக் கணக்குகளை கணினி அமைப்பு மூலம் ஆய்வு செய்வதற்குத் தங்கள் சம்மதத்தை வழங்கும் பிரமாணப் பத்திரத்தைக் கட்டாயமாக்க வேண்டும் என்றும் அவர் குறிப்பிட்டுள்ளார்.
மிகவும் தேவையுள்ளவர்களுக்கு இந்த நிதிகளை நியாயமாக விநியோகிப்பது அவர்களின் பொறுப்பு என்பதால், இந்த நடவடிக்கை அவசியம் என்று அவர் மேலும் கூறியுள்ளார்.
குக் வித் கோமாளி புகழ் அஷ்வினுக்கு நாளை (நவம்பர் 20) திருமணம்... பெண், பிரபல இயக்குனரின் பேத்தி... Cineulagam
கனடாவின் Most Wanted பட்டியலில் முதலிடம் - கோல்டி பிராரை பிடிக்க ரூ.1.6 கோடி பரிசு அறிவிப்பு News Lankasri