லங்காசிறி FM
துமிந்த திஸாநாயக்க எதிரான வழக்கில் நீதிமன்றம் பிறப்பித்துள்ள உத்தரவு
தங்க முலாம் பூசப்பட்ட துப்பாக்கி கண்டுபிடிக்கப்பட்ட சம்பவத்தில் பிரதிவாதிகளாகப் பெயரிடப்பட்ட முன்னாள் அமைச்சர் துமிந்த திசாநாயக்க மற்றும் மற்றொரு பெண் ஆகியோரை பிணையில் செல்ல அனுமதித்து, கொழும்பு உயர் நீதிமன்றம் உத்தரவிட்டுள்ளது.
இந்த சம்பவத்தில் பிரதிவாதிகளாகப் பெயரிடப்பட்ட முன்னாள் அமைச்சர் துமிந்த திசாநாயக்க மற்றும் மற்றொரு பெண்ணுக்கு எதிரான குற்றப்பத்திரிகைகள் இன்று(10.09.2026) கொழும்பு உயர் நீதிமன்றத்தில் தாக்கல் செய்யப்பட்டன.
இது தொடர்பான வழக்கு இன்று கொழும்பு உயர் நீதிமன்ற நீதிபதி உதேஷ் ரணதுங்கவின் முன்னிலையில் விசாரணைக்கு எடுத்துக்கொள்ளப்பட்டது.
குற்றப்பத்திரிகைகள் தாக்கல்
தற்போது, பிரதிவாதிகளாகப் பெயரிடப்பட்ட முன்னாள் அமைச்சர் துமிந்த திசாநாயக்க மற்றும் அய்குல் ஷெர்கசினா என்ற கசாக் நாட்டவர், நீதிமன்றத்தால் முன்னதாக விடுக்கப்பட்ட அறிவிப்பின்படி நீதிமன்றத்தில் முன்னிலைப்படுத்தப்பட்டனர்.
அப்போதைய தினம், பிரதிவாதிகளுக்கு எதிராக சட்டமா அதிபரால் தாக்கல் செய்யப்பட்ட குற்றப்பத்திரிகைகள் பகிரங்க நீதிமன்றத்தில் தாக்கல் செய்யப்பட்டன.
அதன்பின்னர், குற்றம் சாட்டப்பட்ட துமிந்த திசாநாயக்கவுக்காக முன்னிலையான ஜனாதிபதி சட்டத்தரணி சம்பத் மெண்டிஸ், தனது கட்சிக்காரருக்கு கொழும்பு உயர் நீதிமன்றத்தால் முன்னரே பிணை வழங்கப்பட்டிருந்தது என்று நீதிமன்றத்தில் தெரிவித்தார்.
இருப்பினும், குற்றப்பத்திரிகைகள் தாக்கல் செய்யப்பட்ட பின்னர், உயர் நீதிமன்ற நீதிபதி, குற்றம் சாட்டப்பட்ட ஒவ்வொருவருக்கும் தலா ரூ. 50,000 ரொக்கப் பிணை மற்றும் தலா ரூ. 2 மில்லியன் மதிப்புள்ள இரண்டு ஜாமீன் பத்திரங்கள் மூலம் விடுதலை செய்ய உத்தரவிட்டார்.
தங்க முலாம் பூசப்பட்ட துப்பாக்கி மீட்பு
குற்றம் சாட்டப்பட்டவர்களின் கைரேகைகளைப் பெறுவதற்கும், அறிக்கை கோருவதற்கும் நடவடிக்கை எடுக்குமாறு நீதிபதி மற்றொரு உத்தரவையும் பிறப்பித்தார்.
பின்னர், அக்டோபர் 2 ஆம் திகதி விசாரணைக்கு முந்தைய கலந்தாய்விற்காக இந்த வழக்கை அழைக்குமாறு நீதிபதி உத்தரவிட்டார்.
2025 ஆம் ஆண்டு மே 20ஆம் திகதி வெல்லவத்தையில் உள்ள ஹேவ்லாக் சிட்டி வீட்டுவசதி வளாகத்தில் உரிமம் இல்லாமல் தங்க முலாம் பூசப்பட்ட துப்பாக்கியை வைத்திருப்பதற்கு உடந்தையாக இருந்ததாகக் குற்றம் சாட்டி, இந்த பிரதிவாதிகளுக்கு எதிராக சட்டமா அதிபர் குற்றப்பத்திரிகை தாக்கல் செய்திருந்தார்.
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
