உலகக் கோப்பை வரலாற்றில் புதிய மைல்கல்! மெஸ்ஸி படைத்த உலக சாதனை..

உலகக் கோப்பை கால்பந்து வரலாற்றில் 6வது முறையாகக் களமிறங்கிய முதல் ஆண் வீரர் என்ற புதிய சாதனையை அர்ஜென்டினா அணித் தலைவர் லியோனல் மெஸ்ஸி படைத்துள்ளார்.

மேலும், அல்ஜீரியாவுக்கு எதிரான போட்டியில் ஹெட்ரிக் கோல் அடித்து மேலும் ஒரு வரலாற்றுச் சாதனையை நிகழ்த்தியுள்ளார்.

வைபவ் சூர்யவன்ஷியுடன் வாக்குவாதம்! இலங்கை வீரரின் சமூகவலைத்தள பக்கம் முடக்கம்

 அபார வெற்றி

அமெரிக்காவின் கான்சாஸ் சிட்டியில் நடைபெற்ற குரூப் ஜே பிரிவு லீக் ஆட்டத்தில், நடப்பு சாம்பியனான அர்ஜென்டினா அணி, அல்ஜீரியாவை 3-0 என்ற கோல் கணக்கில் வீழ்த்தி அபார வெற்றி பெற்றது.

ஆட்டத்தின் 17வது நிமிடத்தில், அலெக்சிஸ் மேக் அலிஸ்டர் வழங்கிய பாஸை திறமையாகக் கட்டுப்படுத்திய மெஸ்ஸி, தனது இடது காலால் பந்தை வளைத்து அல்ஜீரியாவின் கோல்கீப்பர் லூகா ஜிடேனை ஏமாற்றி முதல் கோலைப் பதிவு செய்தார்.

இதனைத் தொடர்ந்து, 60வது நிமிடத்தில் இரண்டாவது கோலையும், 77வது நிமிடத்தில் மூன்றாவது கோலையும் அடித்த அவர், உலகக் கோப்பை வரலாற்றில் தனது முதல் ஹாட்ரிக் சாதனையைப் பதிவு செய்தார்.

இந்த மூன்று கோல்களின் மூலம், உலகக் கோப்பை அரங்கில் மெஸ்ஸியின் மொத்த கோல் எண்ணிக்கை 16 ஆக உயர்ந்துள்ளது.

உலகக் கோப்பையில் மீண்டும் கவனம் ஈர்த்த ஜப்பான் ரசிகர்கள்! போட்டிக்கு பின்னர் செய்த செயல்

அதிக கோல்கள்

இதன் மூலம், உலகக் கோப்பை வரலாற்றில் அதிக கோல்கள் அடித்த ஜெர்மனியின் மிரோஸ்லாவ் குளோசே (16 கோல்கள்) படைத்த உலக சாதனையை மெஸ்ஸி சமன் செய்துள்ளார்.

மேலும், 14 கோல்களுடன் உள்ள கிலியன் எம்பாப்பே மற்றும் கெர்ட் முல்லர், 15 கோல்களுடன் இருந்த பிரேசிலின் ரொனால்டோ ஆகியோரையும் அவர் பின்னுக்குத் தள்ளியுள்ளார்.

இப்போட்டியில் அடித்த முதல் கோலின் மூலம், உலகக் கோப்பை போட்டிகளில் பெனால்டி பாக்ஸிற்கு வெளியிலிருந்து 5 கோல்கள் அடித்த பிரேசில் ஜாம்பவான் ரிவெலினோவின் சாதனையையும் மெஸ்ஸி சமன் செய்துள்ளார்.

2026 FIFA உலகக் கோப்பை அணியில் இடம்பிடித்த தமிழர் நிஷான் வேலுப்பிள்ளை

 புதிய சாதனை

அத்துடன், அர்ஜென்டினா அணிக்காக உலகக் கோப்பையில் கோல் அடித்த மிக இளம் வீரர் மற்றும் மிக வயதான வீரர் என்ற இரட்டைப் பெருமையையும் அவர் பெற்றுள்ளார்.

2006 உலகக் கோப்பையில் தனது 19வது வயதில் முதல் கோலைப் பதிவு செய்த மெஸ்ஸி, 20 ஆண்டுகளுக்குப் பின்னரும் தனது 39வது வயதில் 6வது உலகக் கோப்பை தொடரில் விளையாடி தொடர்ந்து புதிய சாதனைகளைப் படைத்து வருவது உலக கால்பந்து ரசிகர்களை வியப்பில் ஆழ்த்தியுள்ளது.

2022 உலகக் கோப்பையுடன் அவர் ஓய்வு பெறுவார் என எதிர்பார்க்கப்பட்ட நிலையில், தற்போதைய உலகக் கோப்பை தொடரிலும் அர்ஜென்டினா அணியை கம்பீரமாக வழிநடத்தி வருவது குறிப்பிடத்தக்கது.