அநுர தலைமையில் செழிப்பான நாடாக முன்னேறும் இலங்கை! இந்திய உயர்ஸ்தானிகர் பாராட்டு

Anura Kumara Dissanayaka Sri Lankan Peoples India Northern Province of Sri Lanka

By Aanadhi Sep 16, 2026 09:34 PM GMT

Aanadhi

in அரசியல்

Report

ஜனாதிபதி அநுர குமார திசாநாயக்கவின் தலைமையின் கீழ் இலங்கை ஒரு செழிப்பான நாடாகவும், சிறந்த வாழ்க்கையை நோக்கியதாகவும் ஒரு மாற்றத்திற்கான பாதையில் பயணித்து வருவதாக என்று இந்திய உயர் ஆணையர் சந்தோஷ் ஜா பாராட்டியுள்ளார்.

மன்னார் மாவட்ட பொது மருத்துவமனையில் விபத்து மற்றும் அவசரகாலப் பிரிவு கட்டுமானம், ஜனாதிபதி அநுர குமார திசாநாயக்கவின் தலைமையில் நேற்று காலை (16.09.20026) திறந்து வைக்கப்பட்டது.

இந்நிகழ்ச்சியில் பங்கேற்றபோது இந்திய உயர் ஆணையர் மேற்கண்டவாறு குறிப்பிட்டுள்ளார்.

வட மாகாணத்தின் அபிவிருத்தி

மேலும், இலங்கையின் அனைத்து மாகாணங்கள் மற்றும் வட மாகாணத்தின் அபிவிருத்தியில் ஜனாதிபதி காட்டும் அக்கறையை இந்தியா பாராட்டுவதாகவும், அந்த தொலைநோக்குப் பார்வையை நனவாக்க ஜனாதிபதியுடன் இணைந்து பணியாற்றுவதில் மகிழ்ச்சியடைவதாகவும் அவர் கூறினார்.

அநுர தலைமையில் செழிப்பான நாடாக முன்னேறும் இலங்கை! இந்திய உயர்ஸ்தானிகர் பாராட்டு | Anura Sri Lanka Is Progressing Prosperous Country

மன்னார் அவசரகாலப் பிரிவுக்கான ஒப்பந்தம் ஜனாதிபதி அநுர குமார திசாநாயக்கவின் தலைமையில் கையெழுத்திடப்பட்டது என்றும், இந்தியப் பிரதமர் நரேந்திர மோடியும் இத்திட்டத்திற்காக மிகுந்த அர்ப்பணிப்புடன் பணியாற்றினார் என்றும் அவர் குறிப்பிட்டார்.